E ta afecta esnan mas vulnerable segun Andin Bikker. 

Partido Democracia Real den su rueda di prensa semanal di diamars a trece dilanti e preocupacion cu PDR tin pa cu e proyecto di ley cu gobierno a presenta, riba cambio di pago di number di auto. Segun Andin Bikker e diferente leynan cu gobierno a presenta ta bay wordo trata den un par di siman den Parlamento y den esakinan e ley menciona cu ta bisa cu esnan cu ta paga e nr di auto den cuatro pago, awor solo tin derecho di hacie den dos pago, y tambe na lugar di 15 di Februari AWOR e mester paga prome cu 30 di Januari.

E cambio aki ta trece hopi pregunta cerca PDR pa motibo cu na 2010 gobierno a bin cu e reparatie toeslag pa yuda un grupo hopi grandi di pensionado y persona cu ta gana menos cu Fls. 2500 pa luna, dus personanan di menos recurso pa duna nan un sosten. "Tin hende ta haya 75 florin tin hende ta haya 300 florin pa full un aña, depende ki salario tin. Di facto netamente, den concepto di PDR, esnan cu ta haci uso di e pago di cuater biaha ta esnan cu no tin e placa.

PDR ta kere cu gobierno mester haci un estudio di impacto pa e grupo aki, y tambe su fraccion ta bay bin cu un amienda pa acomoda e grupo aki, pasobra nos no ta kere cu netamente e grupo pa cual gobierno a introduci e reparatie toeslag pa duna nan un ayudo financiero tur luna pa deal cu e perdida di poder di  compra awo tin cu bay kita e facilidad, cu netamente door di e situacion financiero precario, nan a yama bon bini na paga cuater biaha den un aña y aworaki bo ta kite di nan, y forza nan, pa paga prome cu 30 di Januari", Bikker a relata.

“Es mas, ora cu gobierno ta splica den e memorie van toelichting kico ta bay ta e beneficionan pa gobierno di e ley aki, nan ta bay haya 250 mil florin pero no adicional sino mas tempran. Pues gewoon nan ta bay adelanta un entrada pa haye anyway.

PDR ta haya cu 250 mil florin pa gobierno ta un suma relativamente chikito, pa bo bay molestia e grupo cu a wordo yuda cu un reparatie toeslag y cu awor ta kite back. Nos ta kere cu gobierno mester evalua esaki y reflexiona riba e medida aki" Bikker a splica.

Expresionnan haci den e articulo aki no necesariamente ta refleha opinion di ArenaPoliti.co