Minister Arends: "Freezone Aruba ta sinonimo di e gateway"
ORANJESTAD –Di biaha despues di a asumi su funcion di Asuntonan Economico, Minister Richard Arends a reuni entre otro cu Director di Freezone Aruba N.V., esta sr. Greg Peterson.
Durante e encuentro aki a discuti e topico importante cu ta introduccion di e ley di Zonanan Economico y e participacion di Freezone Aruba den esaki. Tambe a papia tocante posibilidadnan pa sigui stimula mas actividad economico den Freezone conhuntamento cu ahustacion di e maneho di establicimento di negoshi na Aruba pa asina por garantiza un miho competencia y mas inversion innovativo.
“Freezone di Aruba ta sinonimo di e concepto di gateway entre e continentenan,” Minister Arends a declara. “Sin duda Freezone ta forma un parti esencial den e actividadnan economico nobo basa riba conocemento haciendo uso di e imagen berde cu Aruba ta hibando.” Minister di Asuntonan Economico y director di Freezone Aruba a palabra di hiba un maneho integral den un cooperacion estrecho pa stimula crecemento economico den Freezone Aruba.
Durante e encuentro aki, sr Greg Peterson a haci entrega di un exemplar di e buki Bird Wildlife of Aruba na Minister Arends.
Expresionnan haci den e articulo aki no necesariamente ta refleha opinion di ArenaPoliti.co