Deporte ta den decadencia, rebendedornan di Lotto pa Deporte ta pasando den duro bow di preshon di e maneho stipula dor di e Canadesnan. Ta un berguensa cu nos minister di deporte senjor Alex Schwengle ta pronkia cu esaki sabiendo hopi bon cu deporte a hanja cortamento tras di cortamento den subsidio. Papiando di good corporate governance mi ta hasie un suplica na minister di deporte pa publika e contract asina beneficioso pa grupito di gobierno cu Canadian Bank Notes (CBN). Nos tin 7 anja ta puntra gobierno pa cu esaki pero sin hanja niun copia. Si enberdad bo tin deporte na pecho bo no tin nada di sconde. E structura di Canada i Lotto pa deporte ta crea hopi duda. E Canades nan tin un compania registra na Aruba cu tin e contract cu Lotto pa Deporte. Lo ta bon pa duna claridad kende ta e beneficiadornan final di e compania aki ta. Minister Schwengle ta kere cu pueblo ta bobo, hasta jamando bario unda e la crese como bario "BRUHA". Si ta asina ki bo ta trata bo mesun hendenan ta kende e ora anos di pueblo lo ta cu tin wowo critico?? Jamami bruha of loco, mi lo sigui bringa pa nos hendenan i no trapa riba nan. Mi ta sumamente desapunta den Mike Eman cu a logra dor di Manipula i enganja drenta gobierno pa despues sinta fix hopi cos bow mesa pa un grupito. Mike Eman a sa di gasta, malgasta i tira placa di pueblo sin misericordia. Aworaki cu blessing di Mike Eman minister Schwengle ta bira miyonario riba lomba di e rebendedornan cu ta traha asina duro. Den ultimo 7 anja gobierno actual a sa di bende, financia debe i abusa di patrimonio di Nos pueblo.  Aruba mester un gobierno di pueblo i pa pueblo. Un gobierno cu sa balora nos hendenan, cu ta duna preferencia pa localnan bay dilanti i cu ta pone berdad, norma i balor i sano huicio na prome lugar. Ami ta boso defensor i lo sigui bringa pa tin un futuro alentador pa nos tur! Vota Mep, vota Dangui!

Expresionnan haci den e articulo aki no necesariamente ta refleha opinion di ArenaPoliti.co