ORANJESTAD, Aruba – 18 di Mei 2017: Rond di mundo, miyones di mucha ta preso den un circulo di desventaha cu ta persigui nan dor di generacion di mal planificacion. Esaki ta pone no solamente nan futuro den peliger, pero mas aun e futuro di e sociedad cu nan ta biba den dje. 

Un di e fayonan di mas grandi entre nos islanan, na unda Aruba no ta forma un diferencia, ta e falta di cifranan concreto cu ta disponibel pa mehoracion. 

Aruba ta conta cu 58 organisacion cu ta traha cu mucha y/o muher den dificultad, y ta hasi trabao segun nan forzanan. E punto cardinal ta falta di fondonan pa sigui cu e trabao manera debe ser. 83 scol cu un total di 22.000 mucha ta e situacion diario cu Aruba su sociedad ta confronta.  Klasnan cu ta demasiado yen pa por tin un trato adecua pa cada pilar di loke ta forma e futuro di nos generacion. 

No tin cifranan disponibel riba cuido , maltrato di mucha, muchanan indocumenta, muchanan sin un direccion fiho y registra. 

Aruba ta carece di registracion di e peliger di Internet, muchanan cu ta haya nan mes den contacto cu un pooier y a base di esaki ta cay den un mundo baho. Muchanan cu ta envolucra cu casonan di delincuencia. Dor di falta di cifranan e situacion di e muchanan no por wordo monitoria y e situacion no por wordo mehora.

Pa senala e aumento substancial den negligencia di e mucha, malatrato, abuso sexual y violencia domestico, mester tin un mihor sistema informativo ahusta na e diversidad cultural di nos sociedad. Un meldcode pa abuso di mucha. Abuso no ta solamente maltrato físico e ta tambe e no percura pa e mucha asisti na su educación.

Enseňansa obligatorio ta wordo introduci y mester por wordo controla cu exactitud. E asistencia escolar di e mucha y e hoben ta di mucho mas  balor si a base di cifranan por yuda na yega na e punto di e problema, e pakiko e mucha no ta na scol.

Unificando tur e organisacionan cu por participa den e desaroyo di e mucha, pa asisti e docentenan y sirbi di e punto di coordinacion pa cu e problemanan social ta bira mas visible y controlable dor di e sistema informativo aki.

E formacion y e desarrollo di strategia den enseñanza ta un trabao di tur. E mehoracion di e calidad di bida di cada mucha ta nos preocupacion.


30% di e studiantenan ta dropouts.  E planificacion social y psicológico pa rehabilita muchanan cu a abandona su estudio, ta stop di studia of ta keda expulsa mester keda e opcion pa mehoracion.

Un simpel adaptación pa haya un di dos oportunidad den un educacion special ta escencial pa un desaroyo económico y social sano. Ta keda importante pa tin mas oportunidad di actividadnan adicional na scol,  na unda ta educa y tambe recrea.

E formacion di un comunidad no ta termina na momento cu e bel zona, al contrario ta e ora e ta cuminsa den un diferente categoria. E participacion di e hoben den comunidad di un forma responsable ta vital.  E integracion a base di maneho controla di e aporte di e hoben riba nivel social lo yuda na cambia e sociedad. E sociedad sano ta inicia na e cuido den prome instancia di e mucha. E mester sa su derechonan y comunidad mester ta mas conciente di esaki. No por mas cu abuso verbal encontra di e muchanan. E danjo ta grandi. Negligencia di e mucha no por wordo acepta mas. Leynan mester wordo adapta pa protega loke ta e base di Aruba su mayan. Un plan social na unda tur ta participa pa mehora. Un mucha sin cuminda na scol no lo keda permiti. Y e cambio den esaki ta di nos pa percura cu na unda no tin lo bin. E prioridad den bida ta disciplina y con pa resolve conflicto, pa e mucha e ta respet sin limitacion. Un dia di sabiduria, un mucha sin problema cu e fundamento correcto pa un Aruba conciente.

Expresionnan haci den e articulo aki no necesariamente ta refleha opinion di ArenaPoliti.co