Parlamentario mr. Juan E.Thijsen a compronde for di bishitanan di cas pa cas y entradanan masal di MEP den pueblo cu un di e preocupacionan grandi den pueblo ta e poder di compra. Den esaki e macuto basico di productonan mara na control di prijs ta hunga un rol importante. Den e prome cien dianan di gobernacion nobo tin hopi trabao pa haci segun Parlamentario mr. Juan E.Thijsen di cual un prioridad ta ahustacion den e macuto basico si e gobierno actual keda drumi y no haci nada. Parlamentario mr. Juan E.Thijsen pa medio di esaki ta urgi gobierno pa riba termino cortico haci modificacionan legal pa aumenta e macuto basico pa trece un mehoransa den e poder di compra di nos cuidadanonan. E situacion actual ta lo siguiente: 

1. Ley di Prijs di Aruba ta indica cu Gobierno por fiha prijs maximo of minimo na productonan den cuadra di interes general y gobierno por stipula reglanan pa cu administracion di prijsnan. De Minister kan, indien goederen of diensten worden aangebo­den tegen zodanige prijzen, dat het vragen daarvan naar zijn oordeel in strijd is met het algemeen belang, of indien hij van oordeel is dat dit dreigt te geschieden: a. verbieden het aanbieden, verkopen en verhuren van die goederen dan wel het aanbieden en verrichten van die diensten tegen hogere of lagere dan door hem aan te geven prijzen; b.voorschriften geven betreffende het voeren van een administratie, waaruit de vorming blijkt van de prijzen, waartegen goederen of diensten worden aangeboden.

2. Aruba conoce un lista hopi limita di macuto basico plus algun otro cu no ta den e “macuto” manera gasolin y pan cu ta mara na condicionannan di ahustacion y control di gobierno. The package of the controlled basic products contains among others: rice, flour, sugar, baby food, baby formula, coffee, tea, margarine, butter, cooking oil, milk powder and liquid coffee milk. In addition, the selling prices of fish, chicken eggs and white bread also are calculated.

3.  Den e entrevista cu DIARIO a haci cu señor Leo Yarzagaray dia 27 februari 2012, presidente di Fundacion CAS a splica cu eigenlijk loke nos ta yama macuto basico na Aruba no ta un macuto basico, sino un lista di producto cu a worde scoge un tempo, pero cu no tin un base con e 11 productonan aki a worde scoge. A lanta un comision cu a traha aña pasa (2011) riba e situacion aki, y mester ta asina cu despues di a haci un estudio debido, gobierno lo por anuncia un macuto basico nobo, segun señor Leo Yarzagaray a declara na 2012. Parlamentario mr. Juan E. Thijsen ta lamenta cu desde 2012 nada mas un pasa apesar cu a cambia Ministro mas di un biaha.

4. Parlamentario mr. Juan E. Thijsen ta compronde for di declaracion di Ministro Richard Arends cu e Ministro tin miedo di actua pa no stroba e mercado liber. Ministro: "Mester bay den dialogo cu e importadornan, pasobra obviamente ta limita e mercado liber cu nos conoce na Aruba, pero pa por garantisa cu cierto productonan basico ta keda accesibel". Parlamentario mr. Juan E. Thijsen ta kere cu ya caba e organo legislativo di Aruba a dicidi cu ta interferi den e mercado liber y ta e mercado liber mes ta abusa di e consumidornan. Parlamentario mr. Juan E. Thijsen ta kere cu loke falta ta defini cua productonan ta bin acerca y legalisa e cambionan.

5. Parlamentario mr. Juan E. Thijsen a tuma nota for di e Regeling Makutu Básiko di Corsou cu nan conoce mas producto den e macuto basico compara cu Aruba. Esunan di Corsou ta: "Aletria, Aros, Batata, Bonchi, Cashipete, Hariña di funchi, Hariña di pan, Lechi, Margarina, Zeta, Comestibel pa baby, Lechi pa baby, Papa pa baby, Galiña Pia di galiña, Keshi, Berdura Blachi salada, Tomati, Promentòn, Broccoli, Spinachi, Kool, Awacati, Kerot, Siboyo,  Drùif, Patia Hente, Apelsina Hente, Bacoba, Banana, Mango, Apel, Mandarein Hente, Milon Hente, Papaya Hente,  Remedi, Antikonseptivo,Tur remedi ku excepcion di antidiabetica i anticonseptivo, Toaya sanitario i tampon, Bruki desechabel pa baby, Lenso di papel, Bateria pa auto, Habon pa laba man, paña i tayo, suavisante di paña, desinfectante, bleach, etc, Pan Kipashi di awa bruin y blanco y Webu Palèt.

6. Parlamentario mr. Juan E. Thijsen a tuma nota tambe cu Ministro Richard Arends tin masha problema cu e control di prijsnan. Richard Arends: "Nunca no tin suficiente controlador. Si wak e 190 supermercadonan cu tin na Aruba, obviamente ta un trabao cu ta rekeri cu e controlador mes mester bay na e establecimentonan pa por controla esaki".

Parlamentario mr. Juan E. Thijsen ta kere cu gobierno di AVP mes a danja e mercado y te awor tambe tabata falta e voluntad pa controla y gobierno mes tabata tin prioridadnan robes. Parlamentario mr. Juan E. Thijsen ta spera cu Minister Arends actua awor sino lo keda na un Gobierno nobo pa den cien dia trece cambionan den e macuto basico y den e sistema di control. Parlamentario mr. Juan E. Thijsen y partido MEP ta cla p'e cambio sin miedo.

Expresionnan haci den e articulo aki no necesariamente ta refleha opinion di ArenaPoliti.co