Benny Nisbet (PPA): PPA ta pro pa gobierno inverti den un ‘Education Village / Education Free Zone’!!
No kabe duda cu tin un diferencia di opinion entre e actual gobierno/AVP y partido PPA kiko lo mester sosode cu e x JFK scol net pariba di nos centro di Cultura. E actual gobierno a bende e sitio aki cu AIB cu lo mester drechele y ‘huur’ e bek na gobierno pa Ensenansa.
PPA ta di opinion cu mirando e crisis di criminalidad den cual nos pueblo ta cu gobierno mester inicia pa tuma e decision miho pa locual ta trata e miho sitio ‘strategico’ for di unda Cuerpo di Polis lo por funciona. Pa PPA esey ta hustamente e sitio di ‘x JFK scol’ un miho sitio ‘strategico no tin.
- For di e sitio aki Polis por sali via di Stadionweg y Vondellaan pa Dakota Tarabana.
- Pa medio di Vondellaan, LG Smith boulevard y Lacle boulevard pa Oranjestad.
- Cuerpo di Polis estableci na e sitio aki lo evita cu criminalnan lo por drenta Aruba pa medio di lama pa ataca e.o. no Ontvangerkantoor cu ta situa apenas algun cien meter for di lama pa no lubida un Banco y otro instancianan importante.
- E presencia aki lo contribui pa mantena ‘paz y tranquilidad na e desaroyo nobo di lanti ex Strand Hotel.
- Tambe durante nos fiesta nacional esta Carnaval ex JFK ta situa na skina di e ‘dos’ caretera mas importante di Carnaval esta Vondellaan y LG Smith Boulevard.
Pa PPA Ensenansa ta Prioridad number UNO y PPA lo NO boga pa un cambio asina si nos no tin un alternativa serio pa Ensenansa y cual lo tin un ‘spin-off efect’ positivo pa nos pais. Esaki ta pa nos inverti pa logra un ‘Education Village/Education Free Zone’ un poco pa Noord di e retonde unda Caya Betico Croes y Caya Watty Vos ta cruza otro.
Con PPA kier logra esaki ??
- Nos lo funda un Compania 100 % di gobierno !
- Nos lo pasa p.e. Algun tereno grandi pa e compania aki pa e suma symbolico di f. 1,-- como propiedad/Eigendom.
- E compania encarga ‘Education Village/free zone Real Estate Development’ ta usa e tereno aki den fase ….como ‘colatoral’ pa hanja fondo cerca institutonan financier cu cual nan ta inverti den e infrastructura necesario pa inicia pa tur departamento etc di gobierno riba tereno di Ensenansa.
- Cu otro palabra ta cuminsa construi un Departamento di Ensenansa moderno . Un edificio pa Ministerio di Ensenansa combina cu Inspectie di Ensenansa. Un edificio pa p.e. nos Universidad di Aruba si acaso nan bai di acuerdo cu esaki. *** Tur e desaroyo aki bao di acuerdonan commercial cual ta crea entrada pa e compania por paga e Institutonan financiero e prestamo bek. Na mes momento e ta ensera creacion di cupo di trabao den construccion cu lo dura anjas..!!
- Crea un parti cu lo worde jama ‘Education Free Zone’ y lo funciona bao di cierto regla cual lo ensera tanto un regimen di incentive fiscal como acuerdo commercial entre e compania y e instituto di Ensenansa tanto local como International cu scoge pa inverti na Aruba. *** Esaki tambe lo tin un ‘spinoff economico’ positivo y lo crea trabao pa hopi anja den mundo di construccion. Tambe cu tempo e lo crea un asina jama ‘Knowledge sector’ enorme aki na Aruba. Varios di e instituto cu scoge pa funciona for di Aruba lo sirbi Caribe y Region den su totalidad dunando tambe mas contenido na e funcion di HUB cu Aruba lo ta desea di logra.
Concluyendo:
E inversion di gobierno pa logra esaki lo ta minimal.
E gasto pa lanta e compania plus un injeccion annual pa staf y personal pa un par di anja.
Pasamento di e tereno necesario !!
Creando hopi cupo di trabao….y e infrastructura necesario combina cu un posibel ‘knowledge center’ den futuro. Elevando Aruba su rol dentro di Caribe riba tereno di Ensenansa.
PPA su maneho ta creativo y dinamico !!
PPA ta tene cuenta cu e sitio mas stragico pa e proximo ‘Warda di Polis na Oranjestad y Dakota !!
PPA ta tene debidamente cuenta cu un desaroyo nobo, interesante y creativo pa Ensenansa engeneral di nos Isla.
Aruba pa e Proximo Nivel cu PPA !!
Aruba, 28 di augustus 2017
Secretario General di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...