Gabinete ME II: Accion di Bario na Kurimiauw a demostra claramente cu respaldo y aprecio di mayoria a demostra desaprobacion pa instigacionnan insensato
ORANJESTAD – Loke un grupo chikito tabatin intencion pa haya un connotacion negativo, a bira un mainta den cual pueblo un biaha mas a demostra su respaldo pa Prome Minister Mike Eman. Accion di Bario diahuebs mainta na Kurimiaw a demostra cu instigacionnan caprichoso no tin efecto riba e aprecio cu pueblo tin pa su Minister President.
Ademas cu habitantenan a habri porta di nan cas cu smaak pa cuminda e mandatario, hendenan for di otro skinanan di nos isla a yega cerca pa expresa nan apoyo. Nunca prome Kurimiauw a conoce un cantidad grandi hende manera el a mira diahuebs mainta. Habitantenan a cana cu orguyo banda di dje, mientras cu otro a habri porta y cuminde pa pasa y te hasta ofrece algo di come y bebe.
Homber y muhe, adulto y esnan mas grandi tabata para Prome Minister Mike Eman den su recorido pa manifesta nan aprobacion pa cu su maneho hunto cu otro miembronan di Gabinete Mike Eman. E ciudadanonan tambe a probecha pa rechasa y condena e actonan insensato cometi contra su persona recientemente.
“E comunidad a sinti un motibo adicional pa sali y responde awe y sostene e trabounan cu BoBario ta haci tur siman y mi ta expresa un palabra di aprecio pa tur e sosten. Ta importante pa sigui cu e trabou den bario pa nos ciudadanonan,” asina Minister President Mike Eman a comenta na final di e bishita cerca hendenan na Kurimiauw.
Expresionnan haci den e articulo aki no necesariamente ta refleha opinion di ArenaPoliti.co