Aruba tin seis anja ta scucha cu e Gobierno aki si lo bai crea mas cupo di trabow.  Mientras tanto e poblacion di Aruba a crece un poco mas y awor mucho menos vacatura tin pa ofrece e cuidadano.

Actualmente nos ta pasando den temponan hopi dificil financieramente. Aunke globalmente e situacion financiero ta instabil. Pero si Gobierno kier stabilisa e cupo di trabow, lo e por hacie facilmente. Nos ta papia simplemente di reapertura di nos refineria y te asta reduci e impuesto di ganashi pa baha e peso di impuesto ja e commerciante por tin e facilidad di crea mas cupo di trabow den su negoshi. Esaki mes lo genera sumanan pa pais Aruba. Reapertura di e refineria lo ta e pilar no.1 pa crea mas cupo di empleo cu entradanan halto.

Demacracia Real a bin ta brinda esaki na pueblo y pa pueblo desde comienso y lo sigi boga pa e plan aki. Solamente un pueblo trahando por yuda saca Aruba for di e debe grandi cu nos ta aden.

E maneho di e finansas publico no a wordo maneha di e miho forma. Nos por compare cu un compania. Un compania ta maneha un negoshi y si e no manehe na su miho conocemento, e chens ta grandi cu e lo bai falliet, pasobra e no por inverti pa loco den tur cos y tampoco cu tur cos. Den e caso aki por compara e Gobierno actual cu un compania. Si Gobierno haci mal invercionnan riba cosnan no necesariamente necesario e impacto financiero por causa falliesimento pa e pais.

Aruba a conoce diferente problemanan ultimamente. Problema den departamento social, departamento hudicial, departamento labor y mucho mas. Y den tur departamento ta papia cu mester downsize den personal. Pero nos ta papia di empleado cu mester bai cas y mas desempleo lo bai tin na Aruba.

Enbes cu Gobierno tin un plan di rescate, nan ta descuti enbes di tuma action. Nos di PDR no kier skucha papiamento ni descucion mas. PDR no kier mira ni skucha debate mas pero nos kier mira cambio pa cu e situacion y PDR den gobierno por trece e solucionan pa un cambio real.

Cuponan di trabow nobo lo habri hopi portanan den hopi departamento gobernamental. Pero Gobierno mester ta willing pa tuma e stap pa restructura y/of cambia su maneho. Pasobra un trabow cu plaso corto no tin effectividad,e  no ta brinda e pueblo siguransa ni garantia y tampoco ta yuda e estado financiero di pais.

Nos di PDR si ta willing pa traha pa un miho futuro pa Aruba. Nos no ta bai hunga cu sentimento di e pueblo pasobra nos di PDR ta forma parti di e pueblo. Y tampoco nos lo bai puntra, kiko, pakiko, pasobra, con of dicon. Mas bien nos ta bai sigui lucha pa e reapertura di e refineria pa facilita y reinforza mas cupo di trabow y recupera e 15% di perdida di GDP cu nos economia a sufri.

Expresionnan haci den e articulo aki no necesariamente ta refleha opinion di ArenaPoliti.co