Diabierna ultimo miembronan di fraccion a realisa un bishita na John Wesley College. Nos a wordo ricibi calurosamente door di e directora cu despues a pidi tur alumno bin padilanti pa hasi un introduccion.

Parlamentario Guillfred Besaril como ex-studiante di John Wesley College 25 aña pasa a hiba palabra dilanti e studiantenan. Loke a resalta tawata e palabranan di estimulo na e studiantenan pa traha duro pa nan por logra nan meta. 

Despues di e introduccion miembronan di Fraccion a sinta cu e directiva di John Wesley College pa tende nan preocupacionan riba tereno di enseñansa. A toka tema tambe kiko John Wesley College ta anhela na infrastuctura. Adicionalmente a papia riba eleva e calidad di enseñansa cu digitalisacion di nos enseñansa. Fraccion MEP ta contento di por a bishita John Wesley pa tende loke ta reina na e scol. Nos mihor deseonan pa e team di docentenan y palabra di exito na tur studiante

Expresionnan haci den e articulo aki no necesariamente ta refleha opinion di ArenaPoliti.co