Despues di un tremendo campaña di belasting teni na Cede di MEP e hoben Gerick Croes a continua cu asistencia den pueblo. Diasabra ultimo tawata e delaster dia cu e hoben Gerick Croes a brinda ayudo pa yena aangifte inkomstenbelasting di aña 2014. Despues di a bishita varios barrio rond di Aruba a termina cu e accion di aangifte 2014 aki na Pos Chikito. Den principio a planea pa asisti pa 2 ora pero esaki a dura un total di 4 ora debi cu varios cuidadano a acudi na Pos Chikito. E accion aki di algun siman sigur tawata uno super exitoso. Gerick Croes a keda cu un sentimento di satisfaccion cu asina hopi persona por a wordo asisti.

Gerick Croes kier a expresa su palabra di gratitud na un y tur cu a habri porta di nan hogar durante e ultimo 3 simannan aki pa asina por tawata mas serca di pueblo y brinda e asistencia cu pueblo merece. Tambe palabranan di danki ta bai na tur cu a jama na radio of di un forma of otro a propaganda e asistencia den barrio. Riba e ultimo dia e asistencia tawata uno asina grandi cu refuerso tawata rekeri pesei palabra di danki ta bai na e hobennan universitario cu a duna di nan tempo liber pa ta disponibel pa por yuda pueblo.

Expresionnan haci den e articulo aki no necesariamente ta refleha opinion di ArenaPoliti.co