PPA for di pafor di parlamento tin basta tempo ta splica pueblo cu e turismo di Aruba no ta baiendo positivo. Aruba a cai den cruisetourism pa 2015 barbaramente…!! Pa ‘stayover-tourism’  ora analisa e cifranan mester tene cuenta cu 33 % di turismo venezolano no ta keda na hotelnan etc. Pa hopi tempo ministro Otmar Oduber tabata rechaza  e ponencianan di oposicion y tabata keda accentua cu turismo di Aruba ta baiendo bon bon.

Sinembargo despues cu nos flamante ministro di turismo a regresa for di New York …el a cuminsa informa nos pueblo cu  y nos ta cita algun titulo di articulonan cu a sali den prensa local ‘Focus toerisme terug op markt VS’ ‘Aruba drastisch meer promoten in Amerika !’, ‘Aruba ta bay diversifica y aumenta nos presencia na un forma drastico den Mercado Mericano’.

Y ora analisa  e  informacion di ministro cu ta justifica e cambio ‘drastico’ aki  pueblo por lesa …Brazil a cai……Chili no a bai bon…..Venezuela su turismo cuestionable……Mercado Europeo, e di tres Mercado mas importante pa Aruba, despues di 2 anja cu practicamente a keda flat, no a mira crecemento y pa 2016/16 no ta mira esaki tampoco.  Conclussion di sr. Ministro di Turismo Oduber   ta cu Aruba lo mester bai diversifica  su Mercado(nan) na Merca y lo usa fondo for di su fondo di reserve.  Cu otro palabra …situacion ta malo of entodo caso no ta pinta bon.

FINANZAS DISPONIBEL PA  ATA….?

PPA ta di opinion cu Ministro Otmar Oduber lo hasi bon pa publica e cifranan di ATA ….esta con e fondo normal riba e presupuesto di ATA a worde usa. Cu atencion primordial cuanto fondo a worde gasta den cual Mercado……esta cuanto na Merca, cuanto na Canada, cuanto na Europa y cuanto den Others(Caribe y Sur America) ??  Con e fondo aki a worde gasta desde fundacion di ATA ?  Cuanto fondo a worde gasta na projectonan cu no ta mercadeo di mercadonan di Aruba ?

Na di dos lugar PPA ta di opinion cu Ministro Otmar Oduber lo hasi bon pa publica cuanto fondo tin disponibel den e ‘reservefonds’ y cuanto di e ‘reservefonds’ aki ministro Oduber tin intencion di usa ??

Nos a comprende cu e fondo disponibel ultimo anjanan lo a subi pa 80 miljon florin ….full e 80 miljon anualmente a bai pa mercadeo ?? Con e reparticion aki ta den e cuatro mercadonan…Merca, Canada, Europa y Others(Caribe - Sur y LatinoAmerica).

DIVERSIFICACION DI NOS PRODUCTO TURISTICO ?

Ora papia di cambia e accento den diversifica nos mercadonan  pregunta di PPA ta …unda maneho di Gab. Mike Eman a diversifica nos producto turistico di Aruba ultimo seis anja cu ministro Otmar Oduber ta encarga cu nos turismo ?

PPA repetida vez a accentua necesidad di diversifica nos producto turistico…esta kiko nos Aruba ta ofrece e turista fuera di ‘sun, sea & sand’ ?

PPA a projecta cu atencion mester worde dedica na:

1. Prepara Aruba como un destinacion cu por ofrece ‘Health and Wellness’ tourism.
2. Aruba como ‘golfersdestination’ door di construi un ‘golfcourse international’  na San Nicolas y upgrading di esun existente.
3. Aruba por a dedica mas atencion ta e asina jama ‘convention tourism’.
4. Door di inverti realmente den un ‘San Nicolas, Our Caribbean Town’.
5. Door di mercadea aruba como ‘shoppersdestination’ den Caribe…
6. Inverti den ‘yachtharbour’ visitors…door di inverti  den infrastructura  pa yate na Aruba etc….
   
   

Si gabinete Mike Eman(AVP) a inverti di otro sector cu por a mejora e producto di Aruba  PPA lo por a comprende…pero ni  esaki no a tuma lugar. Gab. Mike Eman simpelmente NO a inverti den  mejoracion di nos producto turistico. Pa colmo e  kambernan di hotel cu a expande grandemente a tuma lugar den ‘ all inclusive hotelrooms’ y nos tur sa cu e impacto di esaki riba nos economia ta limita.

Mercado di Europa:

Ministro Otmar Oduber ta declara ‘ practicamente a keda flat’ … wel wel !! PPA lo kier pa gobierno publica cuanto anualmente a worde inverti na Europa e ultimo SEIS anja y cuanto turista a bishita Aruba durante e periodo aki. Y cuanto di nan ta arubianonan biba na Hulanda cu ta bishita nan famia na Aruba  y cuanto realmente ta turista/bishitante ??

Por fin ministro Otmar Oduber a cambia su maneho…..lo bay diversifica y aumenta nos presencia na un forma drastico den mercado mericano…..wel wel….nos ta spera cu esaki lo no ta laat. PPA lo bin bek riba e asunto aki.

Aruba, 22 di  februari 2016.                       Benny Nisbet,

                                                                  Lider Politico di PPA

Expresionnan haci den e articulo aki no necesariamente ta refleha opinion di ArenaPoliti.co