Den rueda di prensa di Partido Democracia Real, Andin Bikker, lider di fraccion, a bisa cu tin adelantonan grandi tumando lugar pa loke ta trata e fast ferry entre Aruba, Bonaire y Curacao, pero e dimension nobo ta entre Sint Maarten, Saba y Sint Eustatius tambe. 

Bikker a bisa cu danki na nos Creador, tanto e Parlamentonan di Caribe Hulandes como esun di Hulanda ta para riba e iniciativa aki, cu por cierto ta di dje mes. 

Bikker a bisa cu tur hende a realiza cu un fast ferry ta manera un brug riba awa, y cu bo por conecta bo economianan y bo pueblonan na un manera mas facil cu otro medionan, por ehemplo via avion, unda bo no por viaha cu bo auto. 

Bikker ta haya cu door di e conexion aki e economia nan ta crece, tambe e mercadonan y prijs lo baha pa loke ta trata diferente producto.

“Basa riba e concepto aki, for di Januari aña pasa, a tuma cierto acuerdonan interparlamentario entre e islanan y Hulanda, cu lo sigui sostene e concepto pa bin cu e servicio di fast ferry entre ABC pa cuminza” Bikker a splica.

Diferente servicio di departamentonan di e Islanan a reuni y dia 1 di Maart ultimo, un delegacion di Aruba, Curacao y Sint Maarten a topa otro na Bonaire, y nan a agiliza e proceso pa yega na e servicio aki di fast ferry.

Andin Bikker a laga sa cu bao su iniciativa, conhuntamente cu Parlamento di Sint Maarten, na na Januari a yega na e dimension pa haci tur esfuerzo pa bin cu e servicio di fast ferry tambe entre Sint Maarten, Saba y Sint Eustatius.

Personanan riba invitacion di Parlamento a bin duna un presentacion for di Hulanda riba esaki. “Un par di siman pasa a haya e grato noticia cu e Minister di Hulanda encarga cu asuntonan di Reino, a anuncia cu nan lo bay duna apoyo na e esfuerzo aki, pa por establece e servicio na Sint Maarten, Saba, Sint Eustatius y sourranded. Nan tur ta coriendo parallel y un tin un empuhe positivo pa e otro, y si na Aruba, Curacao y Sint Maarten por logra e servicio, e ta un enpuhe positivo pa e Islanan di Sint Maarten, Saba y Sint Eustatius, cu por bisa cu e servicio ta funcionando bon, y wordo motiva pa mas pronto posible nan tambe duna e servicio. Y si Isla Aruba logra prome tambe ta un empuhe pa e islanan di Aruba, Curacao y Bonaire.

Andin Bikker ta evaluando pa riba su propio gastonan, durante e siguiente bishita na Hulanda, pa un gasto relativamente chikito e mes bay Islanan Canaria na Tenerife, unda cu e servicio aki ta canando pa mas di 15 aña caba y por mira cu su propio wowo y constata con lihe tin “turn around” cu autonan cu ta subi y baha y personanan cu ta bay bin con e proceso automatiza ta funcionando, pa e ora ey por tin un experiencia y papia cu tur e actornan di e instancianan gubernamental concerni, y esnan cu ta traha den wafnan, etc. pa por tin un  impresion di e retonan cu akinan, kizas nos ta kibra cabes riba nan y hasta tin biaha inventa e wiel di nobo, y cu indudablemente den e 15 añanan cu nan ta operando nan a soluciona varios di e problemanan, cu por a presenta caba, pasobra e servicio ta un exito rotundo den e lugarnan aki, Bikker a laga sa.

Expresionnan haci den e articulo aki no necesariamente ta refleha opinion di ArenaPoliti.co