Gabinete ME II: Minister Bermudez satisfecho cu Fitch Ratings ta califica e perspectiva financiero di nos pais como stabiel
Resultado hopi positivo...
ORANJESTAD - 'Fitch Ratings' ta un di e agencianan mundial cu ta evalua paisnan regularmente riba nan finanzas publico. Minister di Finanzas, Angel Bermudez ta splica cu e calificacion aki ta determina bo credibilidad como pais cerca institutonan financiero, pues e ta un indicacion di capacidad ora un pais kier fia placa riba mercado di capital internacional y tambe na cual costo. No tin duda cu despues di a ricibi e rapport aki di Fitch recientemente e mandatario a keda hopi satisfecho cu e institucion aki tambe a califica e perspectiva financiero di nos pais como uno stabiel.
Mientras tanto Minister Bermudez ta keda pendiente pa e calificacion di Standard & Poors (S&P) cu lo wordo entrega den careda di otro luna. "Mi ta spera cu pa e momento ey definitivamente ta conoci caba si ta bay reactiva e refineria", asina e mandatario a expresa. Segun e dignatario no tin duda cu e reactivacion sigur lo tin su efecto positivo riba e perspectiva financiero di nos pais.
Expresionnan haci den e articulo aki no necesariamente ta refleha opinion di ArenaPoliti.co