E lider di fraccion di AVP den Parlamento ta sigui manipula te na final di su periodo. E meneer aki nunca por bin bek riba lista di AVP mirando cu e no a crece den voto pero asina mes el a entrega Autonomia Financiero di nos pais. Segun Sr. Herde: "Ta un set di norma tin pa finansa publico." "Con ta usa e placa cu pone den presupuesto y atende cu e presupuesto ta un asunto di Pueblo, Gobierno, Parlamento di Aruba. Esey NO ta un competencia di CAFT."  Si nos analisa e expresion aki di Sr. Herde y full su fraccion a vota VOOR pa e ley di CAFT sin studia e materia debidamente. 

Gabinete Mike Eman I y II a haña debido tempo pa maneha finansa publico di pais Aruba na un manera responsabel pero a scoge pa hiba un politica di avestruz. Locual Sr. Herde no ta splica pueblo ta cu MEP a laga Aruba cu ratings positive, tanto di Banco Central, Departamento di Finansa, IMF, Standard & Poors, Fitch Ratings. Movimiento Electoral di Pueblo (MEP) a laga 970 Miyon florin na aña 2009. Esey tawata suficiente pa partido AVP cuminsa nan fiesta cu Family, Friends y Lovers. 

E fraccion di AVP no ta papia di e debe di nan gobierno cu lo yega bek na nivelnan unda MEP a lag’e na 2009 te kisas na 2030. Pero nan ta papia di e normanan cu a wordo kibra pa e ultimo 7 aña di gobernacion. Ta door di e mal maneho aki Sr. Eman y su gobierno mester a acepta e protocol firma na Mei 2, 2015 cu a wordo implementa na August 1, 2015. Despues cu tur stakeholders a duna Mike Eman tur poder pa caba cu pueblo atraves di Dialogo Social, Rene Herde ta papia di e MEDIDANAN cu a wordo poni den e protocol pa frena e daño haci desde 2009: Na 2015 un deficit maximo di 3.7% di BBP, na 2016 maximo 2.0%, na 2017 deficit di 0.5% y na 2018 un surplus di minimal 0.5%. Esaki ta netamente e comienso di drecha e desaster financiero di Mike y AVP. Esaki no ta soluciona e MEGADEBE di 6000 Miyon florin.

Cada 6 siman despues di cada kwartaal mester raporta na CFT y splica nan plan con pa resolve e daño haci. Sr. Eman a haci tur cos posibel pa no raporta e realidad na CFT door di buta presion politico riba Banco Central, Centrale Accountantsdienst y Algemene Rekenkamer. E carta di Sr. Eman cu ta nenga cooperacion cu CFT ta riba file. Despues cu e fraccion berde a aproba Protocol di Donner y Diahuebs Santo, Balance Budget Rule y Balance Budget Akkoord y finalmente e protocol di Traicion na Mei 2, 2015. Sr. Herde segun bo colega di partido Vice President di Parlamento Sr. Chris Dammers (batido di e ser Femenino) bo ta loco y si bo sigui e rumbo bo ta bayendo bo ta demostra bo incapacidad como politico y parlamentario.

Expresionnan haci den e articulo aki no necesariamente ta refleha opinion di ArenaPoliti.co