Cu atencion PPA a tuma nota di e votacion den parlamento di Aruba riba e concepto di Ley relacion cu aperture di e futuro UPGRADER na San Nicolas. 19 Miembro di parlamento a vota PRO y solamente 1 miembro di parlamento sra Marisol Lopez Tromp a vota contra.

E prome aspecto cu PPA mester trece dilanti ta e pregunta cardinal …cu NO a ricibi mucho atencion durante e reunion di parlamento aki. Esey ta cu e conseho di Raad van Advies a indici na un forma hopi cla cu majoria di acuerdonan cu CITGO/PDVSA  y VALERO a worde negocia y firma …..prome cu gobierno a bin parlamento enbusca di un bendicion o sea un ‘machtiging’ manera nos Ley di Comptabilidad di indica cu e mester tuma lugar. Raad van Advies ta indica masha cla cu nos Ley di Comptabilidad ta papia di un ‘machtiging’ delanta y no un aprobacion despues !!  Historia di nos Ley di Comptabilidad ta hasi e asunto aki uno hopi mas serio….. den e prome 2 decada di nos Status Aparte…pueblo di Aruba a sufri e consecuencianan ora mandatarionan a  gasta/malgasta  fondo publico, funda companianan di gobierno …negocia contractnan  sin cu parlamento a duna un aprobacion pa esaki  causando consecuencianan dramatico pa nos pueblo. Pesey e Ley di Comptabilidad a worde cambia y den e Ley aki di cual articulo 31 ta su curazon  pero e articulonan net prome cu esaki TUR ta menciona….cu gobierno mester busca un mandato ‘vooraf’ esta delanta di parlamento si no e ta NULO !! E ta keda hopi stranjo cu NI miembronan di oposicion no a usa e  conseho di  Raad van Advies  pa frenta gobierno cu e realidad aki y busca un otro manera di atende  e contractnan den futuro. En vez di esaki un majoria abrumador (19) a dicidi di aproba contractnan y consecuentemente  un concepto di Ley cu ta contene  acuerdonan cu segun nos Ley di Comptabilidad ta NULO !!  

Un Upgrader y no un refineria !!  

Contrario cu e esfuerszo cu gobierno a haci pa publica na pueblo cu gobierno a logra un acuerdo pa habri e refineria bek, PPA a bin constata cu e publicacion fecha 11 di juni 2016 di Citgo cu ta informa cu lo tin un ‘transformacion di e refineria den un UPGRADER’. Esaki a hasi cu PPA su ‘team’ a hasi nos ‘huiswerk’ y a informa nos pueblo cu tin hopi diferencia entre un refineria y un upgrader. Prome otro partido politico incluso gobierno y fraccion representa den parlamento a purba di sea no reacciona riba PPA su ponencia pero despues door di informa cu PPA/Benny Nisbet lo no sa di kiko e ta papia !!  Sin embargo  nos por a nota si durante di e reunion  cu poco poco e palabra Upgrader a worde mas usa cu e palabra refineria. Algun miembro di parlamento a ripiti e preguntanan cu PPA a publica den nos repetida publicacionan encuanto di e futuro upgrader e.o.  Si un Upgrader ta duna mas  waste products cu un refineria ?  Ministro de Meza a purba di ‘downplay’ esaki splicando cu no tin mucho diferencia entre un refineria y un  Upgrader y cu lo no tin mucho di waste…Ministro a usa e  expression cu tin ‘un tiki petcoke mas’ …un tiki so…!!

PPA kier a cita for di un publicacion internacional riba esaki: “An upgrader has a large environmental footprint’……..The upgrading process of extra heavy oil uses intense heat and pressures and requires large amounts of energy and of water and increases AIR POLLUTIONS. It has major impacts on Air, Land and Water.  Upgraders will also considerable increase air emissions of sulphure dioxide and nitrogen oxides, as well as hydrogen sulphide and other air pollutants.  The process produces for about 100 barrels of ‘extra heavy oil’ that is processed by an Upgrader 1 tonne of sulphur. Which will create a very large amount of sulphure. When there is NO  market the product will have to be stored.”  Cu esaki PPA ta contradeci e splicacion di Ministro de Meza den un forma masha cla mes !!  

GARANTIA DI PAIS ARUBA ….??

Sr Ministro de Meza a splica cu oponentenan politico lo a crea e informacion cu pais Aruba lo ta para garantia ‘anto openended’ den e ‘deal’ aki.  Segun sr. Ministro esaki lo NO ta cuadra cu berdad.  PPA kier a anjadi cu ta stranjo cu sr Ministro de Meza a bisti oponentenan politico cu esaki mientras esaki a worde publica den forma mas cla pa “Raad van Advies’ cu a pone den su conseho y PPA ta cita for di e conseho aki ‘ Garantie is minimal $ 300 million  en maximal onbegrensd.  Tambe sr. Ministro de Meza a purba splica cu oponentenan lo a informa cu ta trata un garantia di pais Aruba pa cu e inversion di CITGO etc….locual si NO a worde bisa pa Raad van Advies.

Entodo caso mescos cu pueblo, PPA a tuma nota cu apesar cu e contractnan lo ta nulo segun nos leynan di Comptabilidad…despues di un ‘show’ enorme ….a vota pa e  Ley y consecuentemente e contractnan nulo aki  y cu   esakinan a worde aproba door di 19 miembro di parlamento  y solamente 1 miembro di parlamento a dicidi di vota  ‘contra’ di esaki.

No kabe duda cu durante di e periodo di Transformacion esta fase 1 e prome dos anja cu lo tin hopi trabao …ta worde papia di un posibel ‘piek’ di 3000  trahador. E informe ta cu solamente 700 local a solicita locual ta indica cu un 500 local lo por hanja trabao  den lo contrario tin 10.000 persona di exterior di cual majoria ta ‘Venezolano cu tur respet pa nan’ cu a solicita  pa trabao. Locual ta indica cu tur cos ta indica cu un 500 local y un 2500 Venezolano lo hanja trabao pa e periodo di Transformacion aki. !! Na mes momento esnan di e 700 local cu tin un trabao actualmente ora nan hanja trabao den e periodo di Transformacion…tambe Aruba tin di importa  hende pa occupa e funcionan cu nan ta occupa actualmente.. !! Locual ta nifica cu Aruba lo mester importa un 3200  trajador den e prome fase.  Den fase dos….aki ta ensera un 350/400 trahador directo pa traha na CITGO y un 800 cerca e contratistanan di cual majoria lo worde importa di exterior..apesar cu ministro a bisa cu esaki lo no ta e caso.

Salario di trajador ?

Ta stranja PPA cu miembronan di parlamento no a cuestiona gobierno ‘mas severo’ con gobierno tin intencion di garantisa cu e trajadornan importa lo gana un salario basa riba e criterionan cu Aruba conoce. Algun pregunta a worde hasi pero no suficiente na humilde parecer di PPA.  Pa Aruba no pasa den un proceso unda hopi lo gana un ‘salario minimo’ of algo mas y esaki conduci na rebaho di locual nos ‘juinan di tera’ a custumbra di gana den nos taki di crudo den curso di tempo. Conoci cerca nos como ‘cheap labor’ y cual lo baha e espectativa di gobierno di cobra un cierto nivel di belasting a base di salarionan di nivel. PPA lo keda controla esaki pa tanto nos trahadornan local como esnan cu bin di exterior ricibi un salario na e nivel cu esaki lo mester ta.

Entodo caso PPA ta keda di opinion cu e publico presente cu a worde busca pa Gabinete Mike Eman a perjudica descurso di miembronan di oposicion y cu presidente di parlamento sra Mervin Wyatt Rass a permiti esaki pa tuma lugar durante ‘full’ e reunion aki. Tabata visible cu ta e propio Ministro Presidente Mike Eman a zorg pa e grupo aki pa ta presente pa influencia e curso di e reunion aki den fabor di gobierno.

Entodo caso  awor e proximo paso ta cu CITGO/PDVSA lo mester pone e fondo di $ 685 million  riba Banco sea completo of den tranchenan  pa e trabao por inicia. Mirando cu PDVSA ta casi bancarota ta pone cu esaki ta un reto formal. Fuera cu na e momento aki  e ‘shares’ di CITGO Petroleum ta worde poni como garantia pa PDVSA por presta 2.4 billion dollar  y si algo bai robez…..esnan cu CITGO Petroleum debe pa un 5 billion dollar lo por hasi un ‘call’ riba e garantia aki cu consecuencia ‘dramatico’ pa CITGO International mes.  Cu otro palabra e ultimo palabra riba e ‘aventura’ aki no a worde bisa ainda !

Aruba, 28 di September 2016                                      BENNY NISBET

                                                                                          LIDER POLITICO DI PPA

Expresionnan haci den e articulo aki no necesariamente ta refleha opinion di ArenaPoliti.co