Glenbert Croes (MEP): Apesar di Hedging y Valero Gobierno a hisa coriente, awor Baha Coriente y Awa na mesun forma
Durante e conferencia di prensa seminal parlamentario sr. Glenbert Croes di fraccion MEP a reacciona en corto riba “hedging” y tarifanan di utilidad. Parlamentario Croes a declara lo siguiente: “E prijs di crudo internacional a sigui baha pa 46.82$ cent y te ainda no tin un beneficio pe cuidadano. Nos a tuma nota di e posicion di WEB cu door di heding y Valero no por baha tarifa di coriente. E desapunte den Gabinete eman ta grandi pasobra nan como doño lo por a sali na defense y interes di pueblo den henter e discussion aki. Mi ta respeta e posicion cu WEB a tuma door di cierto factornan pero e argumentonan no ta convincente.
Pero apesar di hedging, Valero toch Gabinete Eman a aproba pa hasi prijs di coriente cu 15%! Loke nos kier subraya tcu esaki ta si pa via di hedging no por baha prijs di coriente pakiko si e tawata posibel pa aumenta tarifanan di coriente. Akinan ta unda cu gobierno ta demostrando inconsistencia den su maneho y autoridad. Nos ta di opinion cu gobierno mester usa e mesun autoridad cu a hasi uso di dje na oktober 2014 y baha e tarifanan di coriente e aña aki.
Den cuadro di e desaroyonan aki nos fraccion a manda pidi un reunion publico pa asina parlamento den su totalidad por debati esaki cu minister Mike de Meza. Hecho ta cu pueblo ta pagando dimas pa servicionan di utilidad y esaki ta keda un abuso siendo cu e recibonan mester ta hopi mas abou. Nos fraccion ta spera cu presidente di parlamento por honra nos peticion y jama e reunion aki mas pronto cu ta posibel, parlamentario Croes a termina.
Expresionnan haci den e articulo aki no necesariamente ta refleha opinion di ArenaPoliti.co