8 anja pasa nos pais a wordo priminti cu e ruinasnan di Bushiri Hotel lo ta pa pasado manera cu AVP drenta den gobierno. Awe 8 anja despues e ruinasnan a bira peor y ta den estado di deterorio y decadencia. E area du Bushiri cu porcierto ta un di e promer impresion cu un turista ta haya ora e yega Aruba ta ilustra den ki situacion nos pais ta aden. Nos partido tin solucion pa e area aki .

E vision cu partido MEP tin ta cu nos ta focus riba turismo di calidad y no cantidad. Nos no ta kere den hotelnan grandi cu hopi camber sino nos ta kere den desaroya nos pais cu Boutique Hotels. Pa e area di Bushiri nos partido lo kier mira un desaroyo sostenibel di un Boutique hotel di no mas cu 75 camber di un cadena di 5 strea. E REV PAR di e hotel lo ta entre $350 y $600 y lo ta contribui sigur na eleva e producto Aruba y tambe e turista di calidad cu nos kier bin nos pais. E edificionan lo ta LEED certified.

E condicionan pa bin cu un desaroyo eynan ta cu e hotel lo mester bai traha cu Universidad di Aruba, colegio EPI y tambe EPB. Nos prioridad ta pa esnan cu ta bayendo e scolnan aki y ta den hotelmanagement y horeca ta esnan promer yama pa labora den e hotel aki. Tambe nos kier explora e posbilidadnan pa bin cu Hotel Vakschool bek na e hotel aki. E focus ta pa contratistanan local haya e trabounan.

Como condicion tambe nos lo pone cu esnan cu ta biba riba e pais aki ta esnan promer yama pa bai labora na e hotel aki sin tin mester di importa ningun hende extra. E desempleo na Aruba ta haltisimo y e desempleo bao di nos hobenan ta mas halto aun y ta actualemnte na 30%. Nos mester percura pa tin desaroyo caminda por garantiza empleo pa nos hendenan, entrada pa gobierno, contribicion na nos GDP y nos economia.

E area cu tin actualmente entre Bushiri y Tamarijn Hotel nos lo presenta un plan caminda lo bai mehora y drecha e beach, bin cun parke di recreacion, canchanan ci beach tennis y beach volley y tambe area pa pick nick. E intencion ta pa connecta e linear park cu e area aki pa asina nos duna pueblo bek tambe esaki.

Nos vision sigur ta pa nos eleva e calidad di turismo, ofrece pueblo y desaroya areanan di beach pa uso di pueblo y contribui na progreso y biniestar di nos pais.

Expresionnan haci den e articulo aki no necesariamente ta refleha opinion di ArenaPoliti.co