MEP: Partido MEP a manda felicita Dilma Rouseff, president di Brasil
Na Brasil sra. Dilma Rouseff a wordo re eligi. Dilma Rouseff ta e prome dama pa wordo eligi presidente di Brasil, y awor e la wordo re eligi. Su partido, Partido dos Trabaljadores, tin aliansa cu partido Movimiento Electroal di Pueblo, y pa tal motibo Evelyn Wever-Croes den nomber di partido MEP a manda felicita PT y sra. Dilma Rouseff cu su re-eleccion.
Brasil ta un pais cu un economia hopi grandi, y un partner importante pa Aruba. Atraves di e organisacion COPPPAL di cual MEP tambe ta miembro, e partidonan por yega na aliansanan importante den bienestar di Aruba. Pesey ta importante pa Evelyn Wever-Croes mantene e lasonan ey, pa crea posibilidadnan nobo pa Aruba tambe.
"Den nomber di partido MEP nos a enfatisa VOX POPULI VOX DEI, pueblo a papia, y a re-eligi Dilma Rouseff, y nos ta desea Dilma Rouseff hopi exito den e sigiente termino di gobernacion", palabranan di lider di MEP Evelyn Wever-Croes
Expresionnan haci den e articulo aki no necesariamente ta refleha opinion di ArenaPoliti.co