Fraccion di MEP den Parlamento a tuma nota di e landsbesluit di overbruggingstoelage di Juan David Yrausquin, fecha 2 di oktober 2014, den cual ta dun’e 80% di su salario como minister, pa un anja largo. Siendo cu e tabata minister 9 luna so. Ademas, ta conosi cu Juan David Yrausquin ta consehero di minister Bermudez, y tur esaki a trese hopi duda.

Fraccion di MEP a hasi e sigiente preguntanan official na Gobierno conforme articulo III.17 di nos Constitucion y conforme articulo 59 di Reglamento di Orden di Parlamento.

1.            Den e Landsbesluit ta menciona ta para cu “conform het tweede lid van artikel 5 van de Landsverordening voorzieningen gewezen politieke ambtsdragers en hun nabestaanden, op de overbruggingsuitkering de inkomsten die de betrokkene uit arbeid verkrijgt in mindering worden gebracht”. Minister por informa Parlamento si esaki tabata e caso aplicabel  pa sr. Yrausquin?

2.            Den e Landsbesluit ariba menciona ta para cu “indien betrokkene andere inkomsten geniet, dan dient betrokkene de Minister van Algemene Zaken onverwijld schriftelijk in kennis te stellen van het bedrag van de door hem genoten inkomsten.” Minister por a informa Parlamento si sr. Yrausquin por a entrega un carta unda cu e ta informa Minister si e ta goza di otro entrada(nan)?

3.            Minister por a informa Parlamento kiko ta e motibo cu e calculación di e pago di e overbruggingstoelage di sr. Yrausquin no a bin hunto cu e Landsbesluit ariba menciona?

4.            Minister por a manda e calculación aki alsnog pa Parlamento, mescos cu esaki tabata sosode pa e Landsbesluiten di ex politiconan den pasado?

5.            Minister por a informa Parlamento si sr. J.D. Yrausquin tin un contrato actualmente cu sea gobierno y/o cu e MinFO actual, sr. mr. A. Bermudez? Si e contesta ta afirmativo, por duna Parlamento un copia di e contrato ey? Si e contesta ta negative, por splica Parlamento den ki calidad sr. Yrausquin a companja minister Bermudez pa Merca dos siman pasa?

Fraccion di MEP ta spera di por haya e contestanan por escrito mas pronto cu ta posibel.

• Landsbesluit 2 okt 2014 (JDY) [pdf]
• Preguntanan Evelyn Wever-Croes na Mike Eman tocante Landsbesluit 2 okt 2014 (JDY) [pdf]

Expresionnan haci den e articulo aki no necesariamente ta refleha opinion di ArenaPoliti.co