Corda paga BBO/BAZV

E digno pueblo ta corda e PLAN ARUBA di Sr. Mike Eman y su partido AVP. Na 2009 e meneer aki cu ta Minister President di Aruba a grita cu BBO ta un abuso contra pueblo y commercio. Después di 6 aña e mesun Gobierno di Mike ta aumemta BBO/BAZV cu 3.5%. E manera di hiba politica mester cambia.

Bo no por campaña cu bo ta elimina BBO mi ta cita algun expresión di Prome Minister Mike Eman:
* Lo tene impuesto riba salario na e nivel reduci di 1January 2009 mientras cu lo elimina otro medidanan tuma durante di ultimo ocho aña cu a causa aumento di costo di bida.
* BBO a costa den sextor Turistico 3000 cupo di trabao.
* Valero lo sera 700 tata di famia ta bai cas y hopi mas lo sigui ora cu den e caso di Valero un shut down.
* Si MEP sigui den Gobierno BBO lo bira 6% esaki lo causa mas desempleo y criminalidad.
* Aruba lo perde su Autonomia y cu AVP por carga nos pais sin intervención di Hulanda.
* BBO ta devastador pa pueblo.

Tur y hopi mas ta e expresiónan di Mike awo e mesun Líder Amigo aki a hisa BBO/BAZV te na 3.5% cu ta hacie un politico gañado y sin credibilidad. Ta su Parlamentarionan cu ta sostene su Gobierno enbes di sostene e digno pueblo di Aruba. Bo no por bay elección y bisa bo ta elimina BBO anto después bo ta aumenté bao otro storia. Esaki ta nada mas cu Manipulación (#Emanipulacion).

Su Parlamentarionan entre otro Líder di Fracción di AVP Sr. Rene (Baba) Herde cu a priminti e digno pueblo di Aruba hunto cu Minister fracasa Juan David Irausquin cu e debe di Aruba no lo pasa 1.350 Miyon e famoso Balance Budget Akkoord. Esaki tawata un fracaso total mescos tur e otro promesanan haci durante campaña na 2013. Awe nos conoce un KB (Koninklijke Besluit) y tambe un supervision di Hulanda bao CFT pa wordo ehecuta ainda falta pa pone esaki den un ley (CAFT) kitando e Autonomia Financiero di Aruba y tambe kitando e curason di nos Statua Aparte net locual Sr. Mike Eman a bisa na 2009 awe ta un otro traición di su partido AVP contra e digno pueblo di Aruba.

Parlamentarionan Lorna Varlack, Marlon Sneek, Melvin Tromp y Chris Dammers pa menciona algun cu ta sufri di e malesa mental Alzheimer (Sin falta respet pa esnan cu ta sufri di e malesa cruel aki) kier pretende cu e Gobierno cu nan ta sostene no ta culpabel pa e desaster cu Aruba ta den na momentonan aki. No tin schoolnan cla pa nos muchanan (500), hala di trailer den cura. Un Green Corridor y RingWeg cu lo trece mas medida (Bank Transaction Tax) riba un presupuesto familiar hopi preta caba. Un proyecto di Hospital cuestionabel y un Hotel di dos Estreya esaki ta e prioridadnan di AVP. Parlamentarionan di San Nicolaas (AVP) mester splica dicon a boycotea e expansion di IMSAN na San Nicolaas, Refeneria y tambe e actividad economico en general.

Un hotel di dos estreya di 950 camber no lo contrubui na un mehoracion SocialEconomico al contrario lo kita beachnan di nos pueblo y lo trece un desbalance enorme den esnan cu ta establece akinan caba. No tin estudionan haci pa cu e efecto riba e area. No lo tin e spin off effect desea cu un proyecto grandismo di All-inclusive. Gobierno no kier mas All-Inclusive pa Palm Beach pero pa Seroe Colorado si algo sumamente preocupante. Mirando cu 90% di Commercio ta cera na San Nicolaas anto awo kier isola esanan local di crecimiento economico.

Mirando e modus operandus di Gabinete Mike Eman I y II nos por concluí cu un KB, CFT, CAFT, MEGADEBE, Aumento di BBO y e sitúacion desastroso di Aruba nan mester bai cas. Nos digno pueblo tin cu lanta masalmente contra e mal Gobernacion aki prome cu nos bira un pais cu no tin ordo y prosperidad pa nos mes y nos yiunan.

Expresionnan haci den e articulo aki no necesariamente ta refleha opinion di ArenaPoliti.co