Fraccion MEP: MEP ta denuncia escandalo di huur di Aruparking for di primo di minister. Di cada dos florin den parkeermeter, un florin ta bai pa esnan rond di Otmar Oduber
ORANJESTAD -- Aruparking ta e escandalo mas grandi di gabinete Mike Eman. No solamente Otmar Oduber tin e trahadornan riba payrol pa casi un anja caba sin hasi nada, pa paga fabornan necesario. Sino tambe el'a nombra henter su team di campanja den e board di Aruparking.
Pa colmo hendenan ta puntra nan mes ta di cual amiguito Otmar Oduber a cumpra e machinnan di parkeermeter, pasobra nan ta masha antiqua. Awendia, si di berdad bo kier a cumpra machinnan drechi, bo ta haya machin cu ta traha cu bo debit card di banco, of ta dunabo placa bek. Pero e machinnan cu Aruparking a trese ta parse cos cu na un otro pais nan a benta afo. Ken sa ta ken mester a wordo privilegia atrobe.
Pero locual a causa mas rabia ta e hecho cu Aruparking no por a haya ningun otro lugar di huur nan oficina, pero mester a huur na edificio di primo di e minister.
Net Otmar Oduber cu a demonisa huurmento di edificio tempo di MEP ta bin y hasi mucho peor. Pa cuminsa Otmar Oduber a nombra tur su famianan den gobierno. su omo, su primo, su prima, y ta duna nan promocionnan barbaro! Ademas Otmar ta huur edificio di su tanchi, mientras e edficio a wordo afgekeurd. Otmar ta huur e edificio di otro primo pa un scol, mientras cu e ta totalmente inadecua pa duna les. Y awor, di tanto edificio cu tin den playa, ta net esun di su primo e mester a huur?
Ta ken por kere Otmar Oduber mas. Su credibilidad a sak te floor. Esaki ta confirma un biaha mas: di cada dos florin den e parkeermeternan, un florin ta bai pa esnan rond di e minister.
Pa colmo hendenan ta puntra nan mes ta di cual amiguito Otmar Oduber a cumpra e machinnan di parkeermeter, pasobra nan ta masha antiqua. Awendia, si di berdad bo kier a cumpra machinnan drechi, bo ta haya machin cu ta traha cu bo debit card di banco, of ta dunabo placa bek. Pero e machinnan cu Aruparking a trese ta parse cos cu na un otro pais nan a benta afo. Ken sa ta ken mester a wordo privilegia atrobe.
Pero locual a causa mas rabia ta e hecho cu Aruparking no por a haya ningun otro lugar di huur nan oficina, pero mester a huur na edificio di primo di e minister.
Net Otmar Oduber cu a demonisa huurmento di edificio tempo di MEP ta bin y hasi mucho peor. Pa cuminsa Otmar Oduber a nombra tur su famianan den gobierno. su omo, su primo, su prima, y ta duna nan promocionnan barbaro! Ademas Otmar ta huur edificio di su tanchi, mientras e edficio a wordo afgekeurd. Otmar ta huur e edificio di otro primo pa un scol, mientras cu e ta totalmente inadecua pa duna les. Y awor, di tanto edificio cu tin den playa, ta net esun di su primo e mester a huur?
Ta ken por kere Otmar Oduber mas. Su credibilidad a sak te floor. Esaki ta confirma un biaha mas: di cada dos florin den e parkeermeternan, un florin ta bai pa esnan rond di e minister.
Expresionnan haci den e articulo aki no necesariamente ta refleha opinion di ArenaPoliti.co