Joe Koolman (MEP): Capacidad, Sinceridad y Determinacion, Lider Evelyn Wever-Croes tin mi apoyo 100%!
Na aña 2011, e tempo ey como Presidente di Movimiento Electoral di Pueblo, a tocami e honor y previlegio pa oficialmente hisa man di un gran Dama Evelyn Wever-Croes como nos lider nobo, despues di a lesa e decreto di liderazgo di nos Partido y entrega esaki na nos lider nobo. E escogencia tabata basa riba e confiansa cu nos hendenan (lidernan) a deposita den nos Lider Evelyn Wever-Croes. Awe cuatro aña despues, ta mas rason e Pueblo tin pa sigui apoya nos Lider.
Un Lider cu cada dia ta etalando politicamente, tanto nacionalmente como internacionalmente; Un Lider cu a demostra cu e tin e hende central den su politica; Un lider cu a demostra sinceridad y curashi, cu a conduci na un politica di credibilidad y di un oposicion fuerte; Un Lider cu tin capacidad te sobra, un sinceridad y transparencia di principio, atributonan cu Lider Evelyn Wever-Croes ta posee y cu esaki e por maneha cualkier Pais na nivel mundial y nos tin e previlegio di tin'e como Lider di Movimiento Electoral di Pueblo.
Su Dedicacion, su Sacrificionan, e Pasion cu e ta atende y yuda nos Pueblo y sigur su Determinacion pa cambia e direccion abusivo cu e Gobierno Mike Eman ta manehando nos Pais y pone riba e ruta pa logra un mihor Aruba, unda cu e Solo lo sali atrobe pa nos tur, henter e Pueblo di Aruba.
Motibonan valido cu mi persona y famia ta sostene Lider Evelyn Wever-Croes pa sigui Lidera Movimiento Electoral di Pueblo, pa garantisa un bon futuro pa mi yiunan y di henter nos Pueblo, sin descriminacion alguno.
Expresionnan haci den e articulo aki no necesariamente ta refleha opinion di ArenaPoliti.co