Paul Gibbs (MEP): Aruparking y Minister Oduber ta engaña pueblo
Despues cu mi a filma ora mi a cuestiona un parkeerwachter su autoridad pa cu su permiso, mi a haña e siguiente dia un carta cu un letterhead di Aruparking. Aruparking ta bisa lo siguiente:
Parkeerwachters tin autoridad - di acuerdo cu ley - pa klem vehiculonan:
- Cu no paga den un parkeervak
- Cu a surpasa e tempo cu nan a paga pe
- ‘Fout parkeren’ riba acera, na skina cu ta pone trafico na peliger y otro camindanan cu no mag parkeer y cu ta cay den e zonanan asigna.
E carta aki y e relato di Minister no ta cuadra cu berdad, pasobra no ta para ningun caminda den ley cu e parkeerwachternan tin autoridad pa klem vehiculonan cu ta parkeer robez, pues ariba acera, na skina di caya cu ta pone trafico na peliger y otro camindanan cu no mag parkeer y cu ta cay den e zonanan asigna. Ley ta bisa si den e Memorie van Toelichting:
Hoofdstuk 3 Toezicht en Uitvoeren
- Bij Aruparking zullen er parkeerwachters bij landsbesluit worden aangewezen die belast zullen zijn met het toezicht.
- De parkeerwachters zullen uitsluitend bezig zijn met de uitvoering van de dagelijkse controle op het gebruik van de parkeermeters
- Voor het parkeren buiten de parkeerplaatsen of parkeervakken blijven slechts de geuniformeerde politieambtenaren van het Korps Politie Aruba uitsluitend belast met de handhaving hiervan.
- Dit geldt bijvoorbeeld ook indien een auto gedeeltelijk in een parkeervak en gedeeltelijk op een ander deel van de openbare weg (zoals de doorgaande weg of een stoep) staat geparkeerd.
- In dergelijke gevallen zijn slechts de geuniformeerde KPA-ambtenaren bevoegd tot optreden en zullen zij door de parkeerwachters ingeschakkeld moeten worden.
E ley ta bisa claramente cu e unico autoridad cu e parkeerwachternan tin ta pa controla e parkeermeter. Pa ‘fout parkeren’ e toelichting di e ley ta bisa bon cla cu un parkeerwachter mester yama un polis di KPA pa atende cu esaki.
Asina ta cu Aruparking y Minister Oduber ta bezig ta engaña pueblo, pasobra nan ta klem auto y duna boet caminda nan no tin autoridad pa haci tal. Ta polis so tin e autoridad ey y nan sa bon bon kico nan mag of no. Con pueblo por confia un compania y un minister cu ta engaña pueblo? Si otro biaha nan bisa cu “bo ora a pasa” y nan ta duna bo un boet, bo por confia riba un compania cu ya a gaña cu e tin autoridad cu e no tin y cu awor si e ta sincero?
Mañan minister y Aruparking ta haña un carta di mi persona cu ta mustra paso pa paso kico nan mag pa ley y mi ta spera nan lo manda un comunicado pa aclaria e situacion y pa pidi pueblo dispensa cu nan a engaña pueblo tocante nan autoridad, cual nan no tin.
Si bo kier wak e video like mi page https://m.facebook.com/paulgibbs19
Expresionnan haci den e articulo aki no necesariamente ta refleha opinion di ArenaPoliti.co