Rene Herdé (AVP): MEP ta bisa di kier mas participacion pa despues stroba debate di Parlamento
![Herde15](/images/779x490/Herde15.jpg)
Dialuna mainta Parlamento a trata e ley pa pone condicionnan di calidad pa casnan di cuido di grandinan. E fraccion di MEP a cuminsa ta gaba cu nan a reuni cu organisacionnan. Esaki a resulta di no ta berdad. Den e debate esaki a keda comproba tambe. MEP a exigi pa e organisacionnan wordo envolvi den e proceso di traha e ley. E minister a mustra cu esey a sosode den trahamento di e ley. Tambe MEP a haya cu e ley ta duna e minister man liber pa yena e ley manera e ta desea. E minister den su contesta a contradici tur e remarcanan di e partido MEP. E partido MEP a keda na palabra bashi, pasobra nan no a haci nada cu e kehonan cu nan mes a presenta. Nan no a presenta niun cambio den e ley. Algo cu ta miembronan di parlamento so por haci. MEP no a presenta niun mocion of proposicion pa mehora e ley manera nan lo a desea. Pa colmo MEP mes a hunga un triki falso atrobe y a stroba un debate mas amplio di parlamento riba e contenido di e ley. Asina nan mes a stroba e participacion y debate cu nan mes a pidi p'e.
HIPOCRESIA vs ACTUACION
![20151207 imagen articulo herde](/images/imagen/20151207-imagen-articulo-herde.jpg)
Expresionnan haci den e articulo aki no necesariamente ta refleha opinion di ArenaPoliti.co