Benny Nisbet (PPA): “Gab. Mike Eman (AVP) kier 'schuif' gasto di transporte publico den stoma di pueblo tambe!!”
Rond mundo ‘Transporte Publico’ ta un di e sectornan unda gobierno ta duna un subsidio amplio cu e meta pa sostene e pueblo cu e gastonan halto di transporte. Na mes momento mas un pueblo por move mas esaki ta contribui na e economia den sentido positivo, Menos un pueblo por move …menos e economia ta cosecha.
Na Aruba transporte publico por worde reparti den varios sector cu mester worde transporta , e sector di trahador …pa e trahador por jega su trabao y bek pa cas, e sector di scol…pa e studiante por jega su scol na ora y despues bek pa cas…. E movicion social economico y pa no lubida un contribuiccion na nos bishitantenan.
Rond mundo transporte publico ta worde subsidia pa e gobierno pa asina hasciele posibel pa tur e metanan aki por worde logra.
Hasciendo nos ‘huiswerk’ tanto riba e situacion na Hulanda como na Merca PPA kier cita lo sigiente:
“De Rijksbijdrage voor het openbaar vervoor is in Nederland een subsidie voor vervoersautoriteiten om stads en streekvervoer en openbaar vervoer (OV) te water onder de kostprijs en met een groter aanbod te kunnen aanbieden aan haar burgers. Zonder deze bijdrage zou het stads en streek vervoer duurder zijn en/of alleen te vinden in grotere steden. Zo’n 63 % v/d totale kosten van het stads en streekvervoer worden door de overheid betaald.”
For di publicacionan Mericano PPA kier cita lo sigiente:
“In most of the United states and much of the world, public Transport is publicly subsidized. In the USA we have capital subsidy and Operating subsidy. The Operating subsidy is paid by the local, regional and State !!”
Na Aruba Ministro Otmar Oduber a jega di expresa lo sigiente:
“ El a agrega cu pa cada trip cu ARUBUS ta duna na un pasajero esaki ta costa cinco florin y sesenta cent y na e momento aki ta cobrando unicamente 2 florin y binticinco cent na e pasajero. Esaki kiermen cu tin un deficit di mas cu 4 florin of mas cu ta 200 % di loke ARUBUS ta cobrando”. Na mes momento e ministro a hanja ta bon pa referi na e miles di pensionado cu ta hasi uso di Arubus pero NO ta paga nada.”
Esaki ta nifica cu un sesenta porciento di e gasto di transporte publico tabata worde subsidia pa gobierno di Aruba cu e metanan manera mi a describe ariba.
MEDIDA…….AUMENTO DI TARIFA PA TRANSPORTE PUBLICO…ARUBUS NV !!
Pueblo y PPA por a tuma nota cu gobierno Mike Eman den e lista di medida cu nan ta impone riba nos pueblo lo tin intencion di aumenta e tarifa di Arubus cu lo sigiente:
- Tarifa Standard fl. 2,50 pa fl. 3,-- locual ta un aumento di 20 % !!!
- Tarifa di School fl. 1,25 pa fl. 1,50, locual ta un aumento di 20 % !!!
- Cash fl. 4,-- pa f. 4,50 , locual ta un aumento di 12,5 % !!
- Retour fl. 7,-- pa f. 8,75 , locual ta un aumento di 12,5 % !!
Analisis:
Pueblo ja ta bow di pression di e racha di medida cu ta larga pueblo cu poco ‘forza financiero’. Si nos tuma e grupo mas grandi cu ta hasi uso di Arubus esta e grupo di pariba di Brug/San Nicolas cu ta traha na Hotel. Ja kaba cu e f. 7,-- retour e trahador di San Nicolas ta gasta 10.% di nan entrada/salario minimo na ‘transporte pa bai trabao y bek pa cas’. Si tuma esaki di nan ‘take home pay’ e situacion ta peor ….E ‘takehome pay’ di un trahador cu salario minimo ta f. 1370,-- mas o menos….e gasto mensual di transporte cu e f. 7,00 retour ta f. 168,-- pa luna (6 dia di siman di trabao !)…cual e hora ey ta 12.2 % !! Ora aumenta e f. 7,00 pa f. 8,75 ….esaki riba su mes ta un aumento di 25 % riba e presupuesto di e trahador biba p’ariba di Brug/San Nicolas. Esaki ta hasi su gastonan di transportacion subi pa f. 8,75 riba base diario x 24 dia di trabao pa luna ta f. 210,-- pa luna. Locual ta 12.72 % !! Pero wak esaki di e ‘take home pay’ di e clase trahador anto esaki ta aumenta cu 15,3 % !!
Conclussion di PPA : E aumento aki ta un abuso di otro mundo cu ta como e 2.5 % cu gobierno ta duna como indexering y larga nada mes pa e trahador por gasta na otro deber. PPA kier accentua e trahador di p’ariba di brug tin e gasto aki…anto hopi pisa ….!!! Esun cu ta biba na Oranjestad/Noord e.p. tin hopi menos gasto pa nan jega nan trabao !!
PPA tabata e ‘unico’ partido politico cu a jega di propone cu lo mester entroduci un sistema unda kada trahador dependiente unda e ta biba ta ricibi un suma di placa como contribuiccion riba su salario pa judele jega su trabao. Pueblo No mester lubida cu tanto gobierno pero tambe sector priva ta duna na cierto ejecutivo halto cu salario halto…..asina jama ‘toelage’ pa Transporte……’toelage’ pa telefon…. Un soluccion unda TUR trahador dependiente unda e ta biba ta hanja un contribuiccion apart no ta nada absurdo. Gobierno por larga e ‘donjo di trabao’ paga esaki y hasciele na e mes momento sea completo of parcial ‘aftrekbaar’ di belasting.
PPA entodo caso ta di opinion cu e aumento di Tarifa di Transporte Publico ta un abuso y ta mishi profundamente den e cartera di un trahador cu no tin su propio ‘transporte”. Un vez mas PPA kier referi na e metanan internacional pacual ‘transporte publico’ ta un deber social di Gobernacion di un pais. PPA lo bin bek riba e materia aki den otro comunicado di prensa !!
Aruba, 24 di januari 2016
Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...