Andy Lee: Aruba por contribui y beneficia di e crecemento economico cu region den siguiente 20 añanan
*Andy Lee ta minister plenipotenciario na Washington -
ORANJESTAD - Diaranson ultimo Prome Minister Mike Eman a biaha pa Miami unda cu el a participa den un conferencia importante, “Future of the Americas”, organisa door di Clinton Foundation.
Un conferencia den cual a participa no solamente lider di gobernacionan di e region, pero tambe lidernan den comercio di Latino Americano y NGO’nan importante cu ta traha na bienestar y futuro di pueblonan Latino Americano y Caribense.
Prome Minister Eman a wordo compaña drs. Andy Lee, Minister Plenipotenciario pa Aruba na Washington.
Ta importante pa splica cu e conferencia “Future of the Americas”, organisa door di Clinton Foundacion, ta un preambulo di e Cumbre di Americas cu ta tuma luga den luna di april na Panama. E fundacion a invita no solamente lidernan politico, pero tambe di sector priva cu por trece idea riba ki direccion of accionnan necesario pa e hemisferio occidental y Prome Minister Mike Eman a contribui den esaki cu ideanan cu a wordo y lo wordo implementa na Aruba, drs. Lee a splica.
E conferencia mes tabata un programa hopi intensivo cu a cuminsa cu un recepcion unda participantenan por a cera conoci cu otro, y Prome Minister Eman a combersa na e ocasion aki cu ex Presidente Bill Clinton. E tipo di encuentronan aki, segun drs. Lee, “ta hopi importante pa Aruba, ya cu siendo un pais chikito tin hopi experiencia cu por comparti cu Latino America, solucionnan cu a bini pa problemanan cu nan tambe tin.”
Personalidadnan di politica cu a participa tabata entre otro Presidente Juan Manuel Santos di Colombia, vice Presidente di Panama Isabel Saint Malo, ex-Presidente di Peru, Premier di Haiti Laurent Lamothe, pero tambe empresarionan grandi manera Carlos Slim, organisacionnan di green energy, institutonan bancario internacional, etc.
Participacion di Aruba den e tipo di conferencia aki sigur ta importante. Principalmente pa e “networking”, ya cu ta topa personalidadnan cu por tuma accion y bin cu proyectonan pa Aruba, pero tambe e intercambio di idea cu por yuda Aruba. “Bo ta siña di otro, di exito y erornan. Tur esakinan ta beneficionan ...”
Prome Minister Eman, na opinion di drs. Lee, a logra un bon impresion. “El a presenta e diferente areanan cu Aruba a bini cu ideanan innovativo y implementacionnan cu ta unico te aworaki. E por ta zona straño, pero e agenda cu nos tin riba energia alternativo ta mustra cu Aruba ta un di e paisnan cu ta canando dilanti. Nos ta haciendo uzo di energia di biento y solo, y awor ta implementando ‘waste to energy’. E experiencia cu nos a logra pa move den e transicion aki ta importante, ya cu un di e aspectonan cu hopi pais ta sinta cu ne ta cu e prome paso cu mester dal ta pa convence bo companianan di utilidad pa bay e direccion aki. Nos a hacie caba na Aruba y e no ta natural na otro paisnan.”
Otro aspecto ta e crecemento total riba e isla, esta segun el a splica, economia di e pais ta crece pero crece di tal forma cu tur hende ta crece hunto cu e economia.
Importante ta cu e hemisferio aki ta crece y lo sigui crece economicamente den e proximo 10 pa 20 añanan. Tin posibilidad cu Aruba lo por hunga un rol den e crecemento aki y saca “beneficionan economico” for di dje. Pesey ta importante pa participa den e conferencia di Clinton Foundation.
ORANJESTAD - Diaranson ultimo Prome Minister Mike Eman a biaha pa Miami unda cu el a participa den un conferencia importante, “Future of the Americas”, organisa door di Clinton Foundation.
Un conferencia den cual a participa no solamente lider di gobernacionan di e region, pero tambe lidernan den comercio di Latino Americano y NGO’nan importante cu ta traha na bienestar y futuro di pueblonan Latino Americano y Caribense.
Prome Minister Eman a wordo compaña drs. Andy Lee, Minister Plenipotenciario pa Aruba na Washington.
Ta importante pa splica cu e conferencia “Future of the Americas”, organisa door di Clinton Foundacion, ta un preambulo di e Cumbre di Americas cu ta tuma luga den luna di april na Panama. E fundacion a invita no solamente lidernan politico, pero tambe di sector priva cu por trece idea riba ki direccion of accionnan necesario pa e hemisferio occidental y Prome Minister Mike Eman a contribui den esaki cu ideanan cu a wordo y lo wordo implementa na Aruba, drs. Lee a splica.
E conferencia mes tabata un programa hopi intensivo cu a cuminsa cu un recepcion unda participantenan por a cera conoci cu otro, y Prome Minister Eman a combersa na e ocasion aki cu ex Presidente Bill Clinton. E tipo di encuentronan aki, segun drs. Lee, “ta hopi importante pa Aruba, ya cu siendo un pais chikito tin hopi experiencia cu por comparti cu Latino America, solucionnan cu a bini pa problemanan cu nan tambe tin.”
Personalidadnan di politica cu a participa tabata entre otro Presidente Juan Manuel Santos di Colombia, vice Presidente di Panama Isabel Saint Malo, ex-Presidente di Peru, Premier di Haiti Laurent Lamothe, pero tambe empresarionan grandi manera Carlos Slim, organisacionnan di green energy, institutonan bancario internacional, etc.
Participacion di Aruba den e tipo di conferencia aki sigur ta importante. Principalmente pa e “networking”, ya cu ta topa personalidadnan cu por tuma accion y bin cu proyectonan pa Aruba, pero tambe e intercambio di idea cu por yuda Aruba. “Bo ta siña di otro, di exito y erornan. Tur esakinan ta beneficionan ...”
Prome Minister Eman, na opinion di drs. Lee, a logra un bon impresion. “El a presenta e diferente areanan cu Aruba a bini cu ideanan innovativo y implementacionnan cu ta unico te aworaki. E por ta zona straño, pero e agenda cu nos tin riba energia alternativo ta mustra cu Aruba ta un di e paisnan cu ta canando dilanti. Nos ta haciendo uzo di energia di biento y solo, y awor ta implementando ‘waste to energy’. E experiencia cu nos a logra pa move den e transicion aki ta importante, ya cu un di e aspectonan cu hopi pais ta sinta cu ne ta cu e prome paso cu mester dal ta pa convence bo companianan di utilidad pa bay e direccion aki. Nos a hacie caba na Aruba y e no ta natural na otro paisnan.”
Otro aspecto ta e crecemento total riba e isla, esta segun el a splica, economia di e pais ta crece pero crece di tal forma cu tur hende ta crece hunto cu e economia.
Importante ta cu e hemisferio aki ta crece y lo sigui crece economicamente den e proximo 10 pa 20 añanan. Tin posibilidad cu Aruba lo por hunga un rol den e crecemento aki y saca “beneficionan economico” for di dje. Pesey ta importante pa participa den e conferencia di Clinton Foundation.
Expresionnan haci den e articulo aki no necesariamente ta refleha opinion di ArenaPoliti.co