Benny Nisbet (PPA): “Ensenansa no tabata prioridad no. 1 di gobernacionan di AVP y MEP!!” Tin hopi espacio pa mejoracion!!
Despues cu Corte di Justicia a duna SKOA razon cu nan por cobra majornan pa schoolgeld y Aircogeld etc…. pueblo por a nota con e partidonan politico MEP y AVP ambos a cuminsa duna declaracionan pa pone accento cu nan ta sali na vanguardia di nos muchanan etc. Corte den Apelacion su motibo pa e decision aki ta cu no ta existi un ley cu ta bisa cu tanto palabra cu ‘ensenansa ta liber’ na Aruba y cu esey lo ta duna SKOA y otro fundacionan derecho di cobra majornan cierto contribuiccionan.
E pregunta mester ta cu con bin cu Aruba ta 30 anja dentro di nos Status Aparte y nos no tin un ley den cual ‘ensenansa liber’ ta regla ? MEP a occupa e posicion di ministro di Ensenansa durante 4 periodo di gobernacion unda MEP tabatatin e ‘signatura’ di gobierno y AVP a occupa e posicion di ministro di Ensenansa pa 5 periodo y un Ley cu e contenido aki no a ricibi ‘prioridad’ di parti di gobierno di Aruba.
PPA tabata e unico partido cu den decada 50/60 a introduce ‘ensenansa liber’ y esaki tabata hasta prome cu Naciones Unidas a proclama un resolucion dedica na e derecho di mucha y tabata basa riba un maneho di ensenansa liber. PPA a tempo a pone un paro na e ‘schoolgeld’ cu tabata worde cobra y cu tabata un estorbo den famianan pa tur mucho por a goza di un ensenansa liber. Y esaki den practica a keda asina te den epoca 80 bao di gobernacion di MEP a permiti pa ensenansa cuminsa cobra majornan placa pa ‘seguro’. E apertura aki den practica a worde sigui pa varios otro formula di cobra majornan cual a trece despues ‘schoolgeld/aircogeld’ boekengeld etc. Tur esaki poniendo pression riba e ‘presupuesto’ familiar na momentonan dificil. E cobramento aki a tuma lugar bao di gobernacion di tanto MEP como AVP sin cu ningun no a cuestiona e desaroyo aki.
Pa colmo ambos partido tabata consciente cu como gobierno nan NO tabata inverti suficiente den ensenansa. E norma di UNESCO ta cu un isla/pais mester inverti 6% di su entrada nacional den Ensenansa. 1986 tabata e ultimo anja cu Aruba a cumpli cu esaki. E averahe di inversion den ensenansa tabata un 4.5 % locual ta hopi abao di e suma cu realmente mester worde inverti den Ensenansa. Aki yn vez mas tanto MEP como AVP a peca seriamente na esaki sin misericordia.
E unico partido cu a projecta den su programa pa eleccion repetidavez cu PPA lo trece cambio den e maneho di gobierno pa cu ensenansa riba e dos punto menciona ultimo anja tabata partido PPA.
- PPA ta boga den nos programa pa eleccion cu nos si lo entroduci un ‘ensenansa libre’ pa nos pais y pa nos muchanan.
- Pa locual ta trata e inversion den ensenansa PPA den nos programa pa eleccion tin anjas ta pone cu PPA ta boga pa inverti 6.5 % di nos entrada nacional den ensenansa anualmente. Seis porciento (6 %) pa cumpli cu e norma internacional di UNESCO. Y e mitar porciento pa duna ensenansa un ‘terugwerkende kracht’. Mester accentua cu den e periodo di 2000 un analisis di 10 anja a mustra cu ensenansa a perde casi 700 million florin como cu e respectivo gobiernonan di AVP y MEP no a cumpli cu e norma Internacional.
PPA nos programa y nos meta ta keda….”Ensenansa mester ta prioridad no. 1 di gobernacion ….cu un inversion den ensenansa di 6.5 % di nos entrada nacional …….y unda nos tin ensenansa liber pa tur mucha cual ta significa cu TUR mucha te na final di nivel di mbo(Colegio HAVO/VWO y EPI) ….nan majornan no mester contribui cu nada ‘extra’ pa ensenansa di nan muchanan. Un maneho asina ta fortifica e posicion di gobierno ainda mas pa controla cu TUR major ta manda nan muchanan scol pa nan educacion y e control di gobierno den esaki. Bao di un maneho asina ningun directiva di scol ni fundacion no tin e derecho di menaza studiantenan cu nan mester paga of nan no ta ricibi nan ‘rapport’ algo cu lo ta inacceptable bao di maneho di PPA…..unda nos gobierno lo regla tur esaki legalmente pa nos muchanan.
Aruba, 1 di juli 2016 Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co