Rene Herdé (AVP): Nos meta tabata y ta pa mehora forsa di compra di pueblo
Si por bolbe baha prijs di awa y coriente e lo tin impacto grandi.
"E reduccion di prijs di awa y coriente na 2012 a nifica otro ayudo grandi pa e forsa di compra di pueblo. Pasobra pa tur cas di famia y pa tur empresa, e costo di awa y coriente ta un costo fiho y grandi den na presupuesto. Aunke e prijs di awa y coriente na Aruba ta mas abou cu majoria di pais den nos region, nos kier sigui baha e prijs y tene e costo abou y fiho, pa sigui yuda e forsa di compra di henter pueblo." Esey tabata e splicacion di e punto di bista di e fraccion y partido AVP riba e tema cu a trata den parlamento awe.
URGENCIA
Pa fraccion di AVP e reunion pa trata e pregunta dicon e prijs di petrolio ta baha riba mercado internacional, pero e prijs di awa y coriente ta sigui mescos, tabata hopi importante y urgente. Rene Herde ta sigui splica: "Awa y coriente ta e dos cosnan cu tur famia kier paga mes ora na fin di luna, pasobra nan kier sigura cu nan keda cu e servicio di awa y coriente. Pero, apesar di cu e prijs di awa y coriente a baha dos aña pasa y cu e "brandstofclausule" no tey mas, y aunke e prijs di awa y coriente na Aruba ta mas abou cu pasinan den Caribe, nos no kier perde niun oportunidad di sigui baha e prijs si e posibilidad ey tey. Awor cu e prijs di petrolio na mundo ta baha, esey ta crea un bon oportunidad pa bolbe baha e prijs. Mescos cu dos aña pasa. Mescos cu e prijs di gasolin pa auto a baha cu casi 30 cen pa liter siman pasa. E ta yuda e forsa di compra di tur hende directamente."
ENVESTIGACION
Den e reunion publico di diahuebs mainta cu e minister di asuntonan economico y di energia, ingeniero Mike de Meza, a constata cu gobierno ya a laga haci un envestigacion di e echonan cu a conduci na e situacion cu WEB no por baha e prijs di awa y coriente, apesa di cu e prijs di crudo a baha enormemente. Pa e motibo aki mester a pospone e reunion pa warda e resultado di e envestigacion. Rene Herde':"Nos a dicidi di warda pa haya e resultado di e envestigacion di tur proceso y desicion cu a tuma lugar na WEB, pa despues sigui cu e reunion. E meta di e reunion no ta pa busca culpabel. E envestigacion lo indica unda algo lo por a bay robez. E meta di e reunion ta pa wak con por soluciona cualkier problema pa yega na baha e prijs di awa y coriente pa pueblo. Pesey nos no mester di e contractnan so. Nos mester di e splicacion di e motibo pakico WEB no por baha e prijs, pa nos por yuda busca un solucion adecuado. Pero nos a bisa e minister si cu mester pura. Cada dia cu pasa ta un dia cu nos ta perde di gana pa mehoracion di forsa di compra di pueblo."
"E reduccion di prijs di awa y coriente na 2012 a nifica otro ayudo grandi pa e forsa di compra di pueblo. Pasobra pa tur cas di famia y pa tur empresa, e costo di awa y coriente ta un costo fiho y grandi den na presupuesto. Aunke e prijs di awa y coriente na Aruba ta mas abou cu majoria di pais den nos region, nos kier sigui baha e prijs y tene e costo abou y fiho, pa sigui yuda e forsa di compra di henter pueblo." Esey tabata e splicacion di e punto di bista di e fraccion y partido AVP riba e tema cu a trata den parlamento awe.
URGENCIA
Pa fraccion di AVP e reunion pa trata e pregunta dicon e prijs di petrolio ta baha riba mercado internacional, pero e prijs di awa y coriente ta sigui mescos, tabata hopi importante y urgente. Rene Herde ta sigui splica: "Awa y coriente ta e dos cosnan cu tur famia kier paga mes ora na fin di luna, pasobra nan kier sigura cu nan keda cu e servicio di awa y coriente. Pero, apesar di cu e prijs di awa y coriente a baha dos aña pasa y cu e "brandstofclausule" no tey mas, y aunke e prijs di awa y coriente na Aruba ta mas abou cu pasinan den Caribe, nos no kier perde niun oportunidad di sigui baha e prijs si e posibilidad ey tey. Awor cu e prijs di petrolio na mundo ta baha, esey ta crea un bon oportunidad pa bolbe baha e prijs. Mescos cu dos aña pasa. Mescos cu e prijs di gasolin pa auto a baha cu casi 30 cen pa liter siman pasa. E ta yuda e forsa di compra di tur hende directamente."
ENVESTIGACION
Den e reunion publico di diahuebs mainta cu e minister di asuntonan economico y di energia, ingeniero Mike de Meza, a constata cu gobierno ya a laga haci un envestigacion di e echonan cu a conduci na e situacion cu WEB no por baha e prijs di awa y coriente, apesa di cu e prijs di crudo a baha enormemente. Pa e motibo aki mester a pospone e reunion pa warda e resultado di e envestigacion. Rene Herde':"Nos a dicidi di warda pa haya e resultado di e envestigacion di tur proceso y desicion cu a tuma lugar na WEB, pa despues sigui cu e reunion. E meta di e reunion no ta pa busca culpabel. E envestigacion lo indica unda algo lo por a bay robez. E meta di e reunion ta pa wak con por soluciona cualkier problema pa yega na baha e prijs di awa y coriente pa pueblo. Pesey nos no mester di e contractnan so. Nos mester di e splicacion di e motibo pakico WEB no por baha e prijs, pa nos por yuda busca un solucion adecuado. Pero nos a bisa e minister si cu mester pura. Cada dia cu pasa ta un dia cu nos ta perde di gana pa mehoracion di forsa di compra di pueblo."
Expresionnan haci den e articulo aki no necesariamente ta refleha opinion di ArenaPoliti.co