Nos tin un oportunidad berdadero pa habri e refineria na Aruba. Den e dianan cu a transcuri mi a realisa un bishita na compania nacional di petroleo di Venezuela, PDVSA. Siman pasa mi a wordo ricibi door di e vice-presidente di refinacion Jesus Luongo y Sergio Tovar kende a forma parti di e delgaciona cu a papia cu Valero.

Despues cu gobierno di Aruba a malinforma nos pueblo mi a ricibi e grato noticia cu e compania venezolano PDVSA tin hopi interes den habri e refineria bek na Aruba. Es mas nan ta considere den interes strategico pa por opera na Aruba y acelera nan produccion di crudo pisa na Aruba. Ademas di esaki mester informa pueblo cu PDVSA tin plannan hopi ambisioso pa por procesa gas. Na e momentonan aki ta contemplando pa suministra via un pipeline gas entre Corsow cu Venezuela.

Mirando nos localidad e ta obvio cu semper PDVSA lo por tawata e partner ideal pa opera e refineria. PDVSA a comunica na nos cu nan ta sumamente interesa pa habri e refineria bek. Nos ta spera cu e Minister di Utilidad y Energia por hasi e debido pa por realisa esaki. Personalmente ami no tin confiansa den e comicion cu gobierno a nombra pasobra nan no tin e boluntad pa habri e refineria.Nan a hasta bai asina leuw di priminti Bahia principe cu lo desmantela pa asina e cadena di hotel por bini. Hechonan ta papia mas cu palabra y pesei nos no por confia AVP mas.

Un cos ta sigur nos di MEP lo hinca tur esfuerso pa logra esaki. Como parlamentario mi ta spera cu parlamento por reuni cu PDVSA pa por logra palabracionan concreto y confirma cu tin futuro ainda den e refineria.

Expresionnan haci den e articulo aki no necesariamente ta refleha opinion di ArenaPoliti.co