Minister Otmar Oduber: Cambionan na caminda y e ekipo motiva di Oficina di Monumento ta e combinacion ideal pa mantecion di nos monumentonan
Den un reunion recien empleadonan di Monumenten Bureau tabatin oportunidad di combersa abiertamente cu Minister Otmar Oduber. Un reunion cu a bay den un ambiente ameno unda e mandatario a tuma su tempo pa splica e vision y plan cu tin pa e departamento. Un di e prioridadnan sigur ta pa traha riba e relacion entre e entidadnan cu tin cu labora hunto na bienestar di nos herencia cultural den forma di monumentonan. Pero banda di esaki tur e empleadonan presente tabatin e oportunidad di haci nan pregunta.
Por menciona cu ta trata aki di un ekipo relativamente chikito, pero hopi dinamico y por mira nan interes pa nan trabou. Di parti e empleadonan por a nota cu nan a keda hopi satisfecho cu e reunion. Un dialogo riba un nivel halto y cu hopi informacion importante pa cada uno. Tin hopi plan pa futuro y cu ekipo aki Minister Oduber ta premira desaroyonan hopi positivo pa Monumenten Bureau. E cambionan cu ta biniendo riba tereno di maneho di monumento combina cu e ekipo motiva cu tin na Oficina di Monumento ta pronostica un future hopi fructifero pa loke ta mantencion di nos monumentonan, Minister Oduber a duna di conoce.
Expresionnan haci den e articulo aki no necesariamente ta refleha opinion di ArenaPoliti.co