Benny Nisbet (PPA): Maneho fatal, crisis financiero, perdida di autonomia financiero, racha di medida, hedging, crisis na WEB NV…. Awor benta di propiedad di pueblo…. Pero Ministro de Meza alias the mess….. Tey keto bai!!
Na momento cu un gobierno ta tuma e decision di bende propiedad publico esta edificio pa paga debe cu e gobierno p/m di su maneho a crea, esaki ta un indicacion con serio e crisis financiero di pais Aruba ta. X Ministro di Finanzas Mike de Meza alias THE MESS junto cu Min Pres Mike Eman a hiba un maneho financiero fatal unda a gasta milliones y milliones cu no tabata tey ! Fuera di esey a presta milliones di florin cu pueblo awor ta worde obliga pa paga bek !! A causa un crisis financiero jama bisto cu a bira asina serio cu consecuencia directo di e maneho fatal di THE MESS ta cu pais Aruba perde su autonomia financiero cual a debilita e Status Aparte cu nos pueblo a logra desde 1986 un racha di medida y awor hasta benta di patrimonio di pueblo anto na baratiyo.
E crisis financiero ta asina serio cu varios caminda ta worde kana pa purba suavisa e debenan aki pero causando un presion riba pueblo di Aruba:
- Ta hiba un maneho di baha gasto (apesar mester anota aki cu e bahamento di gasto aki ta minimal !)
- Ta hiba un maneho di presta placa riba Mercado Internacional cu judanza di Hulanda cual judanza ta bao di condicion di entrego di autonomia financiero …esta tristo !
- Ta hiba un maneho di ejecuta un lista di MEDIDA riba lomba di nos pueblo cual ta nifica cu cientos di milliones di florin ta worde kita for di saco di pueblo di Aruba den su totalidad !
- Awor aparentemente tin un maneho cu ta ensera benta di propiedad di pueblo, cuminsando cu algun edificio e.o. Hulpbestuurskantoor na Noord, Warda di Polis den Wilhelminastraat na Oranjestad, x Domeinbeheer y x Centrale Bank ultimo tempo Ministerio Publico di pais Aruba tur esaki pa e suma miserable di 11 million florin creando impression cu ta benta na baratiyo tin.
- Y for di fuentenan cerca di gobierno PPA ta ricibiendo informacion cu ta pensando di varios di e NV nan cu ta ‘patrimonio’ di pueblo arubano….AVP gabinete Mike Eman ta evaluando pa bende SETAR NV, ELMAR NV, WEB NV y mas NV’s di gobierno cual ta demonstra con serio e crisis financiero crea pa THE MESS ta. ,,,,!!
SEIS ANJA NO A ENTREGA NI UN PRESUPUESTO NA TEMPO !!
E maneho financiero ta sina debil cu keto bai durante SEIS anja di gobernacion, gabinete Mike Eman NO a logra entrega NI UN presupuesto na tempo !! Fuera cu seis anja largo Aruba a conoce ‘deficit’ (falta di placa) di otro mundo. E maneho financiero awe ta reparti entre un ministro di finanzas nombra riba pression hulandes esta mr. Angel Bermudez cu su maneho ta worde frena pa esnan elehi pa pueblo pero cu ta directamente responsabel pa e crisis financiero y un Ministro Presidente cu lamentablemente NO sa unda su cara ta para …pa locual ta traca un gobernacion responsabel.
THE MESS TEY KETO BAI !!
Locual pa PPA ta incrompendible ta cu e maneho fatal di Ministro Mike de Meza alias THE MESS a causa tur esaki……Crisis financiero jamas bisto…racha di medida…….prestamento di ainda mas fondo riba Mercado International……debenan cu lo tuma pueblo 20 anja of mas pa paga……Entrego di nos Automia financiero y awor benta di propiedad di pueblo anto na baratiyo..
Tur esaki PERO e ironia di bida cual ta demonstra cu Aruba su democracia no ta funcionando, pasobra Ministro de Meza tey keto bai. Pa colmo a mesun Ministro ta responsabel pa HEDGING na WEB cu ta causa cu nos pueblo ta pagando mas cu $ 90 dollar pa bari pero Mercado Internacional e mesun bari ta worde bendi pa $35,-- cu otro palabra maneho di THE MESS ta causa cu pueblo ta pagando 200% dimas. Na mes momento na WEB aparentemente WEB NV lo a paga 17 million florin pa financia un projecto priva cual a hinca WEB NV den un crisis financiero tambe. Con den nomber di democracia….den nomber di ‘good governance’ Ministro de Meza alias THE MESS por ta ministro ainda ?? Con por ta cu NI un mocion di desconfianza el a hanja di Staten den su contra ??
GOBERNACION FATAL….UN STATEN ZWAK !!
Tur esaki ta demonstra cu Aruba tin e gobierno di mas malo den historia di pais Aruba pero na mes momento e constellacion di Staten di mas ‘zwak’ cu Aruba a conoce. Un Staten cu no tin e pudor di para riba nan pia y pone un gobierno of ministro para pa e consecuencianan di ‘mal maneho’. PPA ta pidi ….no PPA ta demanda di nos colegio di Staten tene un reunion publico cu ta trata e maneho di x ministro di Finanzas alias THE MESS y e consecuencianan di pais Aruba cu e meta pa manda THE MESS cas…….!!
Aruba, 16 december 2015 Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co