Mike Eman: Edificionan di Gobierno y espacionan publico tambe ta bay pasa den retrofitting
![Mike05](/images/779x490/Mike05.jpg)
Retrofitting ta nifica cu ta cambia tur e sistema di iluminacion y otro aparatonan cu ta funciona a base di suministro di electricidad pa bira mas eficiente den nan consumo di energia. Un bes cu e retrofitting di edificionan y espacionan publico keda cla, Aruba lo ta un ehempel mas riba tereno di sostenibilidad.
“Ta duna nos un bunita oportunidad pa reduci gasto di coriente di gobierno y atrobe e reduccion aki lo dedica un parti na un iluminacion mas atractivo di espacionan publico,” cu esaki Prome Minister Mike Eman ta referi na algun di e asina yama ‘icons’ manera Watertoren y edificionan monumental historico. Di e manera aki Gabinete Mike Eman II ta pone nan literalmente den un luz positivo, loke na mesun momento ta fortifica e atractivo di producto Aruba.
![watertoren small](/images/imagen/watertoren-small.jpg)
Expresionnan haci den e articulo aki no necesariamente ta refleha opinion di ArenaPoliti.co