Ady Thijsen (MEP): Ady Thijsen (MEP): Gabinete Eman mester respeta e institutonan constitucional
Den conferencia di prensa di diaranson ultimo parlamentario Ady thijsen a elabora un poco riba Raad van advies y zona economico exclusivo. Parlamentario Thijsen a declara lo siguiente : “Ora gobierno mishi cu e institutonan constitucional di estado di derecho manera Algemene rekenkamer y Raad van advies ta un señal hopi cla cu nos estado di derecho a transforma den un estado dictatorial. Lamentablemente e fraccion di AVP atrobe cu nan actonan den e reunion di presupuesto di Raad van advies a confirma e hecho cu nan ta un verlengstuk di gobierno.
Parlamentario Thijsen a continua elaborando riba zona economico exclusivo. E la vocifera entre otro cu: “ Exclusieve economische zone ta e zona 200 miya di e zona territorial unda estado tin su derechonan soberano den cuadro di explotacion y exploracion di rikeza natural den awanan y riba e fondo di laman tambe bou di e bodem. Nos ta trata akinan di exploracion y explotacion di gas y petroleo pero tambe generacion di energia alternativo. Mirando cu esaki ta tumando lugar den nos awanan di e parti caribense den reino e ta importante pa haya e splicacion debido, tawata palabranan di parlamentario Thijsen.
Expresionnan haci den e articulo aki no necesariamente ta refleha opinion di ArenaPoliti.co