Gabinete ME II: Minister di Finanzas tabata presente na CFATF
ORANJESTAD - Durante fin di siman Minister di Finanzas, Angel Bermudez hunto cu representante di Meldpunt Ongebruikelijke Transacties (MOT) y Directie Wetgeving en Juridische Zaken (DWJZ) di a participa na e reunion ehecutivo di ‘Caribbean Financial Action Task Force’ (CFATF) na Miami.
CFATF ta un asociacion Caribense di 21 miembro cu a concorda e implementacion di medidanan comun contra di labamento di placa. E obhetivo principal di e reunion aki tabata pa formalisa e cuenta anual di 2014 como tambe e presupuesto pa e aña binidero.
Ademas Trinidad & Tobago a keda eligi como presidium pa 2016, mientras Turcs & Caicos lo tin e presidium suplente pa e siguiente aña. Na mes momento Minister Bermudez a uza e oportunidad aki pa delibera cu su coleganan di Curaçao y St.Maarten riba diferente acontecimentonan actual.
Expresionnan haci den e articulo aki no necesariamente ta refleha opinion di ArenaPoliti.co