Aunke minister Otmar Oduber kier pretende lo contrario e realidad ta cu nos turismo no ta uno solido ni duradero y hotelnan ta pasando den momentonan hopi dificil. Pa 10 luna consecutivo hotelnan a mira un caida den grado di occupacion y tambe un caida den REV PAR. Tanto den luna di janauri y luna di februari, cual ta lunanan den pleno high season, hotel ta mira nan grado di occupacion cai. Banda di esaki hotelnan ta mira tambe nan REV PAR ta cai. Pa e promer 2 lunanan di anja den comparacion cu e promer 2 lunanan di anja 2015 tin un caida den grado di occupacion di casi 5% y pa loke ta trata REV PAR tin un caida di casi 7%. E indicadornan aki ta senjalnan cu tin un desaroyo hopi preocucpante den e sector hotelero pa e ultimo 10 lunanan aki caba. Loke tambe ta sumamente preoucpante ta e hecho cu e market share di turistnan mericano cu ta nos promer Mercado a cai drasticamente. Si na anja 2010 e market share di e turista mericano tawata 65%, actualmente esaki a bahe te na 50.7%. Loke si e crece explosivamente ta e market share di turistnan Venezolano y Otmar Oduber sa hopi bon cu gran parti di esakinan no por wordo considera como turista.

Sigur mi tambe ta un patriotico y ta desea pa nos turismo ta uno fuerte y solido. Esaki no kiermen nos mester ignora desroyonan negativo y keda sin trece nan dilanti pa pueblo. Lamentablemente e cifranan cu tin ta demostra lo contario di loke Otmar Oduber ta trece dilanti. Na momento cu den pleno high season, lunananan januari y februari ta registra caidanan fuerte den grado di occupacion y tambe caida den REV PAR ta indicacion cu turismo no ta solido di duradero. Nos mester tene hopi bon na cuenta cu hotelnan ta e dunador di trabou di mas grandi riba e pais aki. Loke tambe mester remarke cu durante e temporada halto di anja aki hotelnan ta genera ganashi pa absorbe e temporada abou cu ta sigui. Na momento cu un gobierno su mercadeo ta inefectivo y inefeciente bo ta mira esaki den e cifranan. E suma di mercadeo a ser triplifica y e resultado ta laga hopi di desea. Hopi ta e hotelnan cu ta kehando, hopi ta e hotelnan cu e situacion financiero ta birando dificil. No ta un secreto cu varios casino na Aruba ta den problema serio. Envez cu gobierno ta haci algo al respecto ta sinta man cruza. Na momento cu bo tin un gobierno cu ta outprice nos pais, ta aumenta e cost of doing business pa hotelnan drasticamente y 1 di cada 3 turista cu ta bin Aruba no ta hospeda na hotel ta un problema serio pa e sector aki. Hotelnan ta wak nan numbersnan y na momento cu nan ta mira cu grado di occupcion ta cayendo pa 10 luna consecutivo y cu esaki no ta algo incidental mas sino ta un problema hopi hopi serio. Nos ta sumamente preocupa cu e desaroyo den e sector hotelero y envez cu Otmar Oduber sinta hunga cu cifra y yena wowo di pueblo e mester atende cu e desaroyo negativo cu tin actualemente den nos turismo. Na Aruba a para bira awor cu na momento bo trece e berdad dilanti bo ta negativo. Nos lo sigui informa nos pueblo y tur esnan cu ta labora den hotelnan correctamente sin mester di troce e berdad. Otmar no por wordo considera un hende serio mas desde cu e la ganja muri pa 2 biaha y ainda ta minister! Un hende asina a perde tur tipo di credibilidad.

Expresionnan haci den e articulo aki no necesariamente ta refleha opinion di ArenaPoliti.co