ORANJESTAD -- Lider di MEP Evelyn Wever-Croes hunto cu Parlamentarionan Chris Romero y Guillfred Besaril a reuni cu e presidente nobo di ATIA sr. Ronnie van Trigt y e directora nobo sra. Michelle de Groot.
A intercambia di ideanan, y e fraccion di MEP por a scucha e vision di e directiva nobo di ATIA. Importante tambe tabata e preocupacionnan di ATIA y su miembronan riba diferente desaroyo den nos comunidad, especialmente e decresemento economico, y su consequencianan di insiguridad riba nos isla. Tambe a toca e temanan di e fondonan di SVB y AZV.

"Nos tabata tin un bon reunion, y nos por a intercambia di ideanan. Mi ta gradisi e directiva di ATIA pa a ricibi nos, y nos lo sigi ta den contacto cu ATIA den futuro, pa sigi monetoria e desaroyonan economico den nos pais, y pa mira con nos di Parlamento por yuda den esaki", palabranan di Lider di MEP Evelyn Wever-Croes na su salida di ATIA.

Expresionnan haci den e articulo aki no necesariamente ta refleha opinion di ArenaPoliti.co