Guillfred Besaril (MEP): "Fraccion di MEP a hasi peticion pa tene un reunion publico cu Minister Dowers"
Diahuebs ultimo dia 22 januari 2015 fraccion di MEP a hasi entrega di un peticion official pa un reunion publico pa asina trata e desaroyo negativo cu tin actual riba tereno di Criminalidad y Seguridad. Especialmente e desaroyo entre e periodo di September 2014 y te cu awor Januari 2015.
Parlamentario Besaril na varios occasion, a bin ta cuestiona e maneho deficiente di ciudadano Minister Dowers riba e tereno di prevencion di Criminalidad. Al igual e falta di accion concreto di autoridad competente. Ultimo tempo e actonan criminal den cual tin arma di candela y violencia a bini ta sucede cu mas regularidad. Y e no ta un tedencia di solamente cierto parti of un grupo den nos Comunidad. E actonan condenabel aki ta bin ta tumando lugar full rond di nos Isla! Cada biaha nos por nota cu esakinan ta escalando den e forma violento cu nan ta sucede y sin cu Husticia a demostra di tin un formula contundente pa sikiera minimalisa e ola aki di criminiladad aki, cu realmente ta perturbando e trankilidad cu semper e Pueblo di Aruba a goza di dje. E atraco cu a tuma lugar Diaranson pa Diahuebs 22 di Januari 2015 na Caribbean Cinemas, tabata simplemente e "Top-Punt", pasobra a duna e ciudadano Minister di Husticia tur espacio posibel pa asumi su responsabilidad. Nos Fraccion no ta dispuesto pa warda te ora un "morto" cay, pa despues core hiba debate den sala di Parlamento! Nos no ta den wega di punta dede, pa motibo cu ta trata un cuestion di DEBER cu cada un di nos tini pa cu Pueblo. Esun Parlamento di CONTROLA y di Gobierno di EHECUTA na bienestar di Aruba.
Den cuadro di sentimento aki, Fraccion di MEP a entrega un peticion pa un reunion publico pa debati cu ciudadano Minister di Husticia tocante su maneho y puntonan di atencion urgente. Nos ta spera cu señora presidente di Staten honra e peticion aki lo mas pronto cu ta posibel y cu a base di e reunion aki por yega na puntonan specifico cu lo por yuda ataka e ola di Criminalidad cu ta atachando e trankilidad di nos Isla for di algun lunas caba. Na final nos Pueblo Merece Miho!" Besaril a termina.
Parlamentario Besaril na varios occasion, a bin ta cuestiona e maneho deficiente di ciudadano Minister Dowers riba e tereno di prevencion di Criminalidad. Al igual e falta di accion concreto di autoridad competente. Ultimo tempo e actonan criminal den cual tin arma di candela y violencia a bini ta sucede cu mas regularidad. Y e no ta un tedencia di solamente cierto parti of un grupo den nos Comunidad. E actonan condenabel aki ta bin ta tumando lugar full rond di nos Isla! Cada biaha nos por nota cu esakinan ta escalando den e forma violento cu nan ta sucede y sin cu Husticia a demostra di tin un formula contundente pa sikiera minimalisa e ola aki di criminiladad aki, cu realmente ta perturbando e trankilidad cu semper e Pueblo di Aruba a goza di dje. E atraco cu a tuma lugar Diaranson pa Diahuebs 22 di Januari 2015 na Caribbean Cinemas, tabata simplemente e "Top-Punt", pasobra a duna e ciudadano Minister di Husticia tur espacio posibel pa asumi su responsabilidad. Nos Fraccion no ta dispuesto pa warda te ora un "morto" cay, pa despues core hiba debate den sala di Parlamento! Nos no ta den wega di punta dede, pa motibo cu ta trata un cuestion di DEBER cu cada un di nos tini pa cu Pueblo. Esun Parlamento di CONTROLA y di Gobierno di EHECUTA na bienestar di Aruba.
Den cuadro di sentimento aki, Fraccion di MEP a entrega un peticion pa un reunion publico pa debati cu ciudadano Minister di Husticia tocante su maneho y puntonan di atencion urgente. Nos ta spera cu señora presidente di Staten honra e peticion aki lo mas pronto cu ta posibel y cu a base di e reunion aki por yega na puntonan specifico cu lo por yuda ataka e ola di Criminalidad cu ta atachando e trankilidad di nos Isla for di algun lunas caba. Na final nos Pueblo Merece Miho!" Besaril a termina.
Expresionnan haci den e articulo aki no necesariamente ta refleha opinion di ArenaPoliti.co