POR: Conferencia di Prensa 22 februari 2017
Diahuebs 22 di februari POR (Pueblo Orguyoso y Respeta) a tene un conferencia di prensa den cual entre otro Andin Bikker y Otmar Oduber a hiba palabra. Andin Bikker a splica cu si tin boluntad y vision, tin solucion pa combati criminalidad. Como ehempel Bikker a papia riba entre otro incentivanan fiscal y subsidio pa persona di menos recurso por haya sistema di alarma. Otro temanan cu Bikker a papia ariba ta castigonan minimo pa crimen, vergunning pa pesca cu harpun, acceso na crowdfunding pa entre otro agricultor y empresario. Klik play pa scucha.
Otmar Oduber a papia riba diferente punto, entre otro abuso di mucha y castigonan cu ta wordo pidi. Otro tema cu Oduber a elabora ariba ta e proceso di otorgamento di tereno na Aruba. Otmar Oduber tambe a splica maneranan pa reduci gastonan di gobierno y crea entrada adicional, por ehempel door di privatisa departamentonan di gobierno. Otro tema cu Oduber a papia ariba ta diversificacion di economia di Aruba door di crea oportunidad pa hobennan cu a studia afo. Klik play pa scucha.
Expresionnan haci den e articulo aki no necesariamente ta refleha opinion di ArenaPoliti.co