Den e programma di Interes di Pueblo mi a expresa cu Minister Mike De Meza tin cu bay gamble na un di e 14 casinonan na Aruba no na WEB NV, bo a gamble cu e bienestar di henter un pueblo. Un suma di 180 Miyon. Bo ta hedged out. Entrega bo retiro y baha na awa cu Gabinete Mike Eman II.

Fraccion di MEP lidera pa nos lider di partido mr. Evelyne Wever Croes a entrega un mocion di desconfiansa contra Gabinete Mike Eman den reunion di 12 Maart 2015 tocante e prijsnan di awa y coriente. E mocion ta basa riba diferente consideracion. Entre otro, cu debi na e diferente contractnan di hedging, WEB no por baha prijs di coriente pa nos digno pueblo apesar cu prijs di crudo a baha considerablemente.

Fraccion di AVP lidera pa Rene "Baba" Herde a vota contra esaki demostrando asina cu nan ta sostene e mal maneho di Gabinete Mike Eman II y Minister Mike De Meza cu a comete eror tras di eror. Ta e mesun 13 parlamentarionan aki a vota VOOR pa presupuestodi 2014 masacrando nos pueblo cu medida.
Ta parce cu nan no sa nan trabao come staten lid. Nan comportacion y argumentonan ta tristo pa e organo mas halto di nos pais. Mi ta cita di nos Staatsinrichting: "De staten vertegenwoordigen het gehele Arubaanse volk. Dit hoogste orgaan in de staatsinrichting van Aruba wordt daarom ook aangeduid met de term volksvertegenwoordiging. De statenleden behoren de mening van het volk te vertolken."

Dus akinan nos ta wak con e 13 parlamentarionan di AVP no ta fungi den nos democracia. Un Minister cu e fayonan magistral manera Mike De Meza cu liderasgo di MinPres Mike Eman cu ta lidera nos Gobierno nacional. Prome e la causa un MEGADEBE como Minister di financias y awo e ta gamble cu nos bienestar na WEB NV e Minister aki ta Hedged Out mescos cu full e Gabinete. Varios escandulo y corrupción hamas bisto pero e 13 parlamentarionan aki no ta worry basta nan sigui ordo di Mike Eman. E presupuesto di 2015 ta 6 luna laat bayendo pa 9 luna mescos cu esun di 2014 cu a conduci na un KB. Presupuesto 2015 tin un déficit di 123 Miyon mustrando atrobe cu e Gobierno aki ta sigui castiga pueblo, castando placa nan no tin. Ta sigui presta y malgasta placa di pueblo nos ta riba 82% di Debe caba. Nos di MEP kier Alternativa y no mas Medida pesey nos kier un Reapertura di nos Refeneria.

Minister Mike De Meza a faya cu Valero, Transshipment, Handling fee, subida di Gasoline, crea Megadebe bao instruccion di MinPres Eman y awo cu WEB NV pa menciona algun di su fayonan magistral. Minister como e Gabinete aki ta Hedged Out boso baha na awa. Nos digno pueblo Merece Mucho Mas Mihor.

Expresionnan haci den e articulo aki no necesariamente ta refleha opinion di ArenaPoliti.co