Evelyn Wever-Croes (MEP): Fraccion MEP a pidi reunion urgente pa trata cobransa di SKOA
Recientemente a bin na lus di dia e hecho cu gobierno di Aruba tin un debe na SKOA di mas di 4 miyon florin. Esaki a pone cu SKOA mester a aumenta e schoolgeld cu 250 florin. E discussion relaciona cu e aumento ta andando for di hopi tempo caba y ta obvio cu Gobierno y SKOA no por a yega otro.
Den cuadro di esaki nos fraccion a hasi un apelacion urgente riba presidente di parlamento pa yama un reunion e siman aki mes, enbista di e hecho cu e siman aki mayornan mester re-inscribi nan yiunan y cuminsa paga e schoolgeld nobo, y nan tin derecho di haya claridad riba e tema di aumento di schoolgeld.
Siman pasa den conferencia di prensa nos a pidi Minister di Enseñansa pa regla e asunto aki mas tarda diabierna ultimo, prome cu e re-inscripicion, y ta obvio cu e Minister su so no por soluciona e impase, y cu Parlamento di Aruba mester duna un aporte na esaki.
Nos di MEP ta spera cu presidente di parlamento por compronde e urgencia di e tema y honra nos peticion pa trata esaki den un reunion mas tarda cu diabierna awor.
Expresionnan haci den e articulo aki no necesariamente ta refleha opinion di ArenaPoliti.co