Luigi Bergen: 25 di Juni tin Caso Sumario Schoolgeld contra SKOA
Entama pa Grupo di Mayor
11 di Mei ultimo S.K.O.A. y Gobierno a jega na un consenso cu schoolgeld lo ta 175 florin enbes di 250 florin. Esaki ta parse un solucion ventahoso, e ta parse un rebaho di 75 florin. Loke di berdad e ta, ta un aumento di 100 florin pa cada alumno.
Den un carta fecha 26 di januari 2015 S.K.O.A. a anuncia cu pa aña escolar 2015-2016 schoolgeld lo bira 250 florin. Un aumento di 175 florin igual na 233%. Den un carta fecha 6 di maart 2015 S.K.O.A. ta responsabilisa e aumento drastico y inhusto aki, cu riba dje ta contra Tratado Internacional di Derecho di Mucha, Nos Constitucion y Nos Leynan pa scol primario, basico y secundario.
E 175 florin acorda, entre S.K.O.A. y Gobierno, lo conta pa dos aña escolar, 2015 – 2016 y 2016 – 2017. Pues lo paga en total 350 florin. Esaki ta 100 florin mas cu e 250 florin inicial y ta un aumento di 367%. Ademas S.K.O.A. ta exigi cu e schoolgeld mester ta paga pa garantisa e cupo di e mucha na su scol.
Recien tambe, riba 1 di april ultimo, Parlamento a pasa un mocion unanime cu 19 voto, pa haci enseñansa primario, esta scol primario y scol basico, pornada. E consenso jega entre S.K.O.A. y Gobierno ta enpugna cu e mocion di Parlamento aki.
Nos ta contra pago di schoolgeld y di aircogeld pa motibo cu ambos ta violacion di tratado y di ley. En consulta cu nos abogado, nos a dicidi di entama un caso sumario contra di SKOA, cual lo tuma lugar 25 di Juni venidero pa 8:30 di mainta. E caso ta pa separa schoolgeld for garantia pa cupo di e alumno na su scol.
Ora garantisa cupo di cada mucha na scol nos lo debati cu S.K.O.A. riba e suma di contribucion di mayor, cual ta diferente for di schoolgeld.
Nos kier pidi cada mayor pa NO paga nada den e fase aki te ora cu Huez duna un sentencia den e caso sumario entama.
na nomber di grupo di mayor,
Luigi Bergen
3 di Juni 2015
11 di Mei ultimo S.K.O.A. y Gobierno a jega na un consenso cu schoolgeld lo ta 175 florin enbes di 250 florin. Esaki ta parse un solucion ventahoso, e ta parse un rebaho di 75 florin. Loke di berdad e ta, ta un aumento di 100 florin pa cada alumno.
Den un carta fecha 26 di januari 2015 S.K.O.A. a anuncia cu pa aña escolar 2015-2016 schoolgeld lo bira 250 florin. Un aumento di 175 florin igual na 233%. Den un carta fecha 6 di maart 2015 S.K.O.A. ta responsabilisa e aumento drastico y inhusto aki, cu riba dje ta contra Tratado Internacional di Derecho di Mucha, Nos Constitucion y Nos Leynan pa scol primario, basico y secundario.
E 175 florin acorda, entre S.K.O.A. y Gobierno, lo conta pa dos aña escolar, 2015 – 2016 y 2016 – 2017. Pues lo paga en total 350 florin. Esaki ta 100 florin mas cu e 250 florin inicial y ta un aumento di 367%. Ademas S.K.O.A. ta exigi cu e schoolgeld mester ta paga pa garantisa e cupo di e mucha na su scol.
Recien tambe, riba 1 di april ultimo, Parlamento a pasa un mocion unanime cu 19 voto, pa haci enseñansa primario, esta scol primario y scol basico, pornada. E consenso jega entre S.K.O.A. y Gobierno ta enpugna cu e mocion di Parlamento aki.
Nos ta contra pago di schoolgeld y di aircogeld pa motibo cu ambos ta violacion di tratado y di ley. En consulta cu nos abogado, nos a dicidi di entama un caso sumario contra di SKOA, cual lo tuma lugar 25 di Juni venidero pa 8:30 di mainta. E caso ta pa separa schoolgeld for garantia pa cupo di e alumno na su scol.
Ora garantisa cupo di cada mucha na scol nos lo debati cu S.K.O.A. riba e suma di contribucion di mayor, cual ta diferente for di schoolgeld.
Nos kier pidi cada mayor pa NO paga nada den e fase aki te ora cu Huez duna un sentencia den e caso sumario entama.
na nomber di grupo di mayor,
Luigi Bergen
3 di Juni 2015
Expresionnan haci den e articulo aki no necesariamente ta refleha opinion di ArenaPoliti.co