Evelyn Wever-Croes: Pabien na tur hoben graduado
ORANJESTAD -- Scolnan secundario na Aruba a cuminsa haya resultado preliminario di examennan final, y por nota riba medionan social hopi felicitacion.
"Ta un alegria pa mira tur e famianan felis cu nan yiu a logra e examen final caba, y di aki mi kier felicita cada un hoben cu a gradua y especialmente nan famia.
Na tur e studiantenan cu no a haal nan examen final ainda, no give up. Tin hende tin mester di poco mas tempo cu otro, y exito cu e herkansing.
E resultadonan preliminar di graduadonan te awor no ta mucho alentador y sigur mester ta un senjal serio cu nos mester dedica mas atencion na e calidad di ensenjansa. Pero nos lo spera e resultadonan final pa despues evalua ki paso pa tuma. En todo caso e minister encarga cu ensenjansa lo wordo yama den Parlamento pa duna cuenta, y pa nos di Parlamento por evalua kiko nos por hasi pa por logra mehora calidad den ensenjansa", segun lider di MEP, Evelyn Wever-Croes.
Expresionnan haci den e articulo aki no necesariamente ta refleha opinion di ArenaPoliti.co