Benny Nisbet (PPA): Den turismo crucero na 2015, Aruba a cai cu 16.7%, cual ta algo mas cu e cifra di crecemento di stayover turismo di Aruba cual ta 16.2%!!
Tumando e cifranan cu Aruba a manda pa C.T.O. di cruise turismo 2015 , C.T.O. a analisa nan cu e cifranan di Aruba pa e mesun periodo y a conclui cu Aruba a cai - 16.7 % den e prome cuatro luna di 2015 cu Aruba a manda pa nan . Pa casualidad esaki ta e mesun porcentahe cu Aruba a crece den ‘stayover tourism’.
Compara cu algun otro destinacion e cifranan ta lo sigiente:
Destinacion periodo 2015 2014 %
- U.S. Virgin Isl jan - mei 928.980 987.754 - 6 %
- St Maarten jan - mrt 791.537 736.045 + 7.5
- Jamaica jan – mei 742.114 665.556 + 11.5 %
- Puerto Rico jan – mrt 526.428 417.011 + 26.2 %
- Haiti jan - mei 356.803 328.258 + 8.7 %
- Antigua y Barbuda jan- mart 320.401 270.262 + 18.6 %
- Curacao jan – mei 300.115 325.005 - 7.7 %
- Aruba jan – april 264.635 317.623 - 16.7 %
Un maneho pa cu desaroyo di ‘cruise turismo’ no ta un maneho di un anja pa otro. Tampoco e no ta un maneho unda e destinacion ta para of actua su so. Un cruise ta un ‘pakete’ di varios destinacion y ta depende di e atraccion tambe di TUR e destinacionan aki junto con atractivo un cruise cu un cierto cantidad di destinacion ta. PPA ta di opinion cu lo ta bon pa Aruba analisa e pakete di destinacion den cual E ta y mira si junto lo no tin espacio pa mejora e ‘mercadeo’ naturalmente den cooperacion cu e compania di cruise y F.C.C.T.(Fundacion Caribbean Cruise Association).
Aruba su inversion den e ‘street trolley’ (Vision y idea di PPA !) y inversion den ‘upgrading’ di Oranjestad nos ta considera positivo (largando un banda un rato cu NO tin un balansa den inversion den otro districto e.o. San Nicolas !!) pero mester mercadea Aruba y Oranjestad como ‘shopping destination’ y nos cultura dentro di e cultura Caribense pa mejora nos oportunidadnan como destinacion.
Ta notable cu e cifra di ‘stay-over tourim’ cu Aruba a progresa ta 16.2 %, mientras cu e cifra di Cruise tourism cu Aruba a cai te na e momento aki tambe ta 16.7 % !!
Esaki ta demonstra cu na e momento aki NO por gaba cu Aruba tin un maneho di turismo tremendo y tur cos lo ta baiendo bon.
Aruba, 15 augustus 2015 Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co