Benny Nisbet (PPA): E descussion nacional riba nos futuro di San Nicolas cu un refineria of cu un otro desaroyo ta laat!!
![Nisbet01](/images/779x490/Nisbet01.jpg)
Cu gran atencion PPA ta sigui y participa den e discussion nacional riba cual direccion lo mester scoge un Aruba (San Nicolas) cu un refineria of un Aruba(San Nicolas) cu un otro desaroyo den e caso aki ta worde discuti un posibel hotel ‘ALL INCLUSIVE’. PPA ta di opinion cu e discussion aki ta ‘laat’ gobierno mester a guia un discussion nacional anto actua basa riba su resultado cual lamentablemente nunca a tuma lugar.
PPA ta di opinion cu un discussion entre un refineria of un hotel ‘ALL INCLUSIVE’ no ta larga mucho lugar pa duda. Un refineria lo ofrece mucho mas beneficio pa nos pais apesar cu e beneficionan mes lo depende di e resultado di e negociacion cual ainda lo mester tuma lugar entre Gobierno di Aruba y CITGO. Di otro banda pueblo ainda tin hopi pregunta encuanto di acuerdo cu gobierno a sera cu grupo BAHIA PRINCIPE cu ta un ‘ALL INCLUSIVE’ hotel cu su ‘spinn off’ riba nos economia lo ta masha limita. Na e momento aki ta parce nos un escogencia den dos alternativa cu nan impacto economico ainda NO ta conoci….pero na unda di un refineria lo ta mas cu un ALL INCLUSIVE HOTEL !! Otro problema ta cu PPA ta sinti cu un di e problemanan mas grandi ta cu partidonan representa den parlamento NO tin un vision di nan mes si encaso mester jega na ‘desmantela’ e refineria
ALTERNATIVA Y VISION DI PPA :
PPA ta e unico partido cu a duna un vision durante di eleccion 2013 den nos asina jama ‘AGENDA for San Nicolas’ y nos programa ‘plan economico’. Den esaki PPA a projecta cu nos lo sostene un ultimo intento serio pa habri e refineria. Pero no sin mas….!!
Un reapertura lo mester depende di e ‘business plan’ cu e compania cu kier habiele lo mester presenta na gobierno y consecuentemente na pueblo. Un reapertura lo mester depende di garantianan duna y den e caso aki cu ta trata CITGO cu pa e ultimo 5 anja tabata na benta pa e suma di 10 billion dollar pero cu NO por a logra esaki mester realisa cu derrepiente CITGO lo por worde bendi…anto Aruba lo por keda cu otro compania atrobe. Pesey den e caso specifico aki lo mester tin ‘garantia’ di PDVSA(Venezuela) cu si acaso den futuro nan bende CITGO cu nan lo garantisa benta di crudo venezolano na e refineria na Aruba pa e proximo p.e. 20/25 anja !! Tambe lo mester tin garantia di un scol pa prepara esnan cu lo traha den futuro den un refineria…si NO nos lo ta trahay of habri e refineria pa otro bin di exterior bin traha den djele en vez di nos propio hendenan,. Si no tin e garantia(nan) ey Aruba ta core risico di worde usa pa un periodo chikito locual lo resulta otro aventura…y Aruba lo ta traha pa otro bin goza …!!! Nos ta di opion cu Aruba y San Nicolas NO tin espacio pa Aventura mas !!
PPA den nos AGENDA PA SAN NICOLAS y nos PLAN ECONOMICO nos vision y alternativa pa San Nicolas si acaso jega na desmantela……ta lo sigiente: y SI compara esaki cu un eventual reapertura …mi ta kere cu pueblo lo por pensa otro,.
- PPA ta kere cu e tereno mester worde hasi lo mas limpi posibel riba suelo y subsuelo. …!
- PPA ta kere den un SHIP BUILDING & SHIP SERVICES INDUSTRY ! PPA ta kere cu un parti di e tereno y haf por worde destina pa esnan cu kier inverti den esaki.
- Tambe PPA ta kere den un ‘steal industry’.
- PPA ta kere cu un parti di e haf por keda pa esnan cu kier exploita un ‘Oil Storage & Terminal Fascility’…
- PPA ta kere cu un parti di e haf por worde usa pa un Containerhaven cu lo por atende e barconan ‘post panama vessels’ cu mester di un profundidad di haf di 16 meter of mas locual NI Oranjestad, NI Barcadera por ofrece….!
- PPA ta kere den un parti di San Nicolas cu lo por crece bai gradualmente mas serca di haf posibel !!
- PPA ta kere cu e parti mas pariba (Rogersbeach) lo por worde reserva pa un ‘JACHT HARBOR”
Pa locual ta trata e tereno den Colony PPA ta kere den un ‘Internacional Golf Course” cu tres Hotel 4 y/of 5 star cu gradualmente lo worde traha. Mind you e parti aki NO ta riba e tereno di e x refineria pero pariba….na ‘Grapefield y den Colony’.
Si presenta e pueblo e ‘totalidad of alternativa’ aki anto PPA ta convensi cu lo tin un majoria cu lo pensa hopi bon prome continua cu un reapertura di refineria. …..pero un vez mas NI gobierno Eman NI partidonan representa den parlamento NO tin lo minimo vision kiko lo por hasi si acaso desmantela e refineria ……y esaki despues di un intenio ‘serio’ pa un reapertura di refineria cu un futuro real na Aruba. Un vez mas PPA ta kere den un intento serio pa un reapertura di nos refineria pero uno cu garantianan serio di 20 of 25 anja. Garantia pa ‘clean up’ riba suela y subsuelo. Scol pa Refineria etc. Si No tin garantianan anto Aruba lo kore risico di otro aventura.
PPA lo bin bek riba e materia aki !!
Aruba, 19 di augustus 2015 Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co