Xiomara Ruiz-Maduro y Guillfred Besaril (MEP): Parlamentarionan di MEP a hasi test di oido
ORANJESTAD -- Parlamentarionan tambe a participa na e siman di kibra silencio di Quota International of Aruba. Diaranson ultimo Parlamentarionan Xiomara Ruiz-Maduro y Guillfred Besaril a acudi na Oduber & Kan pa hasi nan testnan di oido, y asina duna nan contribucion na e campanja di concientisacion di cuido di oido.
Presente tabata tambe Evelyn Wever-Croes, e biaha aki como miembro di Quota International of Aruba, ken hunto cu e staff amable di Oduber & Kan a asisti tur esnan cu a bin pa hasi test.
Durante e siman aki, cu a wordo proclama siman di kibra silencio, tur esnan interesa por hasi test di oido gratuitamente na Oduber & Kan, FEPO, Aruba Hearing Institute y SVB na San Nicolas.
"Bo oido ta comunica bo cu resto di mundo, pesey ta asina importante pa bo cuid'e. Hasi test di oido, y haya sa di trempan si bo tin problema di oido of no, pa bo sa ki pasonan pa bo tuma. Nos ta encurasha tur hende, hoben y adulto, pa controla e oido tempran pa asina tambe haya ayudo tempran", Evelyn Wever-Croes a duna di conose.
Expresionnan haci den e articulo aki no necesariamente ta refleha opinion di ArenaPoliti.co