MEP: Fraccion di MEP a reuni cu Banco Central
Lider di MEP Evelyn Wever-Croes hunto cu miembronan di fraccion di MEP Glenbert Croes y Ady Thijsen a reuni cu Presidente di Banco Central Jane Semeleer y directora di Banco Central Miriam Tromp-Gonzales. E motibo ta cu e fraccion kier a haya mas informacion di e desaroyo economico na Aruba y situacion financiero. En bista cu Banco Central a downgrade e cresemento economico pa e anja benidero debi cu economia ta bezig ta slow down. A papia tocante e necesidad pa atrae mas inversion na Aruba pasobra sino cosnan lo no mehora. A toca e tema di e refineria, di cual Banco Central a confirma cu ta importante pa nos cresemento economico y reserva di devisas. "Tabata un reunion hopi fructifero cu a duna nos imformacion hopi importante pa nos prepara pa e debatenan cu ta bin den e proximo dianan", palabranan di Evelyn Wever-Croes
Expresionnan haci den e articulo aki no necesariamente ta refleha opinion di ArenaPoliti.co