Gabinete ME II: Minister Bermudez a reuni cu representantenan di CIAT
Mandatario ta sigui evalua opcionnan di asistencia na Departamento di Impuesto.
Oranjestad – Aruba, 17 December 2015: Manera Minister di Finanzas, Angel Bermudez a indica na varios ocasion, e actualisacion, digitalisacion y modernisacion di Departamento di Impuesto keto bay ta riba e lista di prioridad, pues diaranson ultimo e representantenan di Center of Inter American Tax Administrations (CIAT) tabata di bishita serca e mandatario.
E delegacion di CIAT tabata consisti di Sr. Gonzalo Arias, ‘Director of International Cooperation and Taxation’, Sr. Francisco Beiner, ‘Director of Institutional Planning and Development’ y Sr. Jörg Wisner, ‘Director of Programs of the German Cooperation’. Sra. Angelien Giel, Directora suplente di Departamento di Impuesto tambe a acompaña e delegacion durante e bishita serca e mandatario di finanzas.
Durante e reunion aki e delegacion a intercambia varios idea cu Minister Bermudez riba asistencia tecnino y con e organisacion aki por sostene Aruba den e reforma fiscal cu ta tumando luga.
CIAT ta ubica na Panama y anualmente nan ta organisa congresonan riba topiconan interesante pa oficinanan di impuesto di paisnan Latino Americano y Caribe. Na mes momento nan ta sostene y duna assistencia tecnico na e paisinan miembro.
Minister Bermudez a haya e encuentro uno fructifero y ta sigur cu pronto lo por continua cu e mehoracion di nos Departamento di Impuesto riba tur nivel como tambe e reforma fiscal den su totalidad.
Expresionnan haci den e articulo aki no necesariamente ta refleha opinion di ArenaPoliti.co