Rene Herdé (AVP): Integridad den Politica
Den entrevista y declaracionnan e siman aki, e miembronan di AVP a haci bon cla cu e ley y reglanan cu AVP ta propone pa introduci relaciona cu integridad den gobernacion di nos pais, no ta pa crea hende husto y politiconan integro. En berdad niun ley por crea hende of politico integro! Hende drechi ta bin di e caracter di un persona tin y di su educacion na cas, na scol y den comunidad. Pesey AVP ta enfatisa cu principionan di integridad manera honestidad, papia berdad, no mishi cu cos cu no ta dibo, respet pa otro su opinion, ta cosnan cu ta educacion tin cu atende.
Loke si e ley y reglanan di integridad mester atende, ta preveni cu hende cu mal intencion, cu sed pa poder y mal reputacion, ta drenta of haya influencia den politica. Ta pesey mester tin regla pa 'screen' y saca e hendenan cu mal intencion prome cu nan subi lista di un partido. En caso cu hende no-integro tog logra drenta politica y haya cualkier posicion di influencia den gobernacion, e ley y reglanan mester percura pa gara y sanciona e hendenan aki mes ora y corrigi nan pa nan no ripiti nan mal echonan.
HENTER COMUNIDAD
NO ta den politica so tin hende cu mal intencion, sed pa poder, haragan y abusador. Ta tur caminda nan por ta. Pesey ta tarea di nos tur, tur empresa y organisacion, pa aplica reglanan di integridad na tur caminda pa preveni hende cu sed di poder, haragan of cu mal intencion pa drenta e organisacion. Encaso cu ya nan ta den e organisacion, e reglanan meste sirba pa haya sa ken nan ta, pa sanciona nan y corrigi nan pa nan no sigui haci daño. Pesey AVP ta boga pa reglanan di integridad na tur nivel di aparato di gobierno, den tur departamento y oficina, pa proteha esnan cu si ta traha bon y preveni esnan malo pa sigui actua contra ley, regla, contra normanan di decencia of cualier forma di integridad.
Loke si e ley y reglanan di integridad mester atende, ta preveni cu hende cu mal intencion, cu sed pa poder y mal reputacion, ta drenta of haya influencia den politica. Ta pesey mester tin regla pa 'screen' y saca e hendenan cu mal intencion prome cu nan subi lista di un partido. En caso cu hende no-integro tog logra drenta politica y haya cualkier posicion di influencia den gobernacion, e ley y reglanan mester percura pa gara y sanciona e hendenan aki mes ora y corrigi nan pa nan no ripiti nan mal echonan.
HENTER COMUNIDAD
NO ta den politica so tin hende cu mal intencion, sed pa poder, haragan y abusador. Ta tur caminda nan por ta. Pesey ta tarea di nos tur, tur empresa y organisacion, pa aplica reglanan di integridad na tur caminda pa preveni hende cu sed di poder, haragan of cu mal intencion pa drenta e organisacion. Encaso cu ya nan ta den e organisacion, e reglanan meste sirba pa haya sa ken nan ta, pa sanciona nan y corrigi nan pa nan no sigui haci daño. Pesey AVP ta boga pa reglanan di integridad na tur nivel di aparato di gobierno, den tur departamento y oficina, pa proteha esnan cu si ta traha bon y preveni esnan malo pa sigui actua contra ley, regla, contra normanan di decencia of cualier forma di integridad.
Expresionnan haci den e articulo aki no necesariamente ta refleha opinion di ArenaPoliti.co