Evelyn Wever-Croes: Pabien Aruba cu bunita celebracion di Dia di Betico
![Evelyn dia di Betico](/images/400x210/Evelyn-dia-di-Betico.jpg)
MEP a cuminsa e celebracion cu un Santo Sacrificio di Misa, y ofrenda floral y despues un koffie morgen hopi bon concuri.
Den oranan di atardi tur e 7 Parlamentarionan a asisti na e Acto protocolario riba Plaza Betico, y eynan Evelyn Wever-Croes a hasi otro ofrenda floral hunto cu Franklin Croes den nomber di Fundacion Betico Croes. E presencia di tur 7 Parlamentario di MEP a hasi un 'statement' y a wordo aprecia pa esnan presente, especialmente mirando e asistencia masha pober di tanto minister como parlamentarionan di AVP.
![Mep Dia di Betico01](/images/imagen/Mep-Dia-di-Betico01.jpg)
SUGERENCIANAN
"E manifestacion cultural tabata bunita, sinembargo mi a haya falta di e dedicatoria na Betico. Ta mescos cu gobierno no kier a enfoca riba Betico. Por ehempel lo mi sugeri pa sigiente biaha tin den e programa inclui tambe cancionnan dedica na Betico, poesia dedica na Betico, hunto cu e baile tipico y presentacionnan musical, cu por cierto diadomingo ultimo tabata hopi bunita e anja aki. Mi lo desea di mira cu nos ta engrandese e fecha aki, y manera mi a bisa, mi deseo ta cu e memoria di Betico, y su logronan inspira nos pa uni e pueblo aki un biaha mas", lider di MEP Evelyn Wever-Croes a duna di conose.
![Mep Dia di Betico02](/images/imagen/Mep-Dia-di-Betico02.jpg)
Expresionnan haci den e articulo aki no necesariamente ta refleha opinion di ArenaPoliti.co