Ministerio di Cultura: Minister Otmar Oduber ta haci un yamada na e Pueblo di Aruba pa cumpra y bende unicamente e bandera oficial segun stipula den ley
E aña aki e celebracion tin un toke special, basa riba e ley cu a pasa, pa por cuminsa unifica e color di nos banderanan. Actualmente tin un color oficial manera cu ela wordo scohi den aña 75. Apesar cu e ley ainda ta na raad van advies y y cu probablemente e ley lo por wordo implementa te na April, e mandatario ta haci un yamada na e comunidad di Aruba pa si ta bai cumpra un bandera di Aruba, pa porfabor percura pa cumpra unicamente e bandera di color oficial manera ela wordo escohi na aña 75.
Minister Otmar Oduber a pidi tambe na e comerciantenan cu ta bende e banderanan, pa no bai haci uso di e oportunidad aki pa bai bende e banderanan cu no ta conforme e ley of regla oficial, djies pa sali di e banderanan aki. E mandatario ta pidi pa nos ta arubianonan consciente di cu e color di nos bandera y nos simbolonan, ta un importancia enorme pa nos.
Expresionnan haci den e articulo aki no necesariamente ta refleha opinion di ArenaPoliti.co